Wulfila

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Site us dr Wulfila-Bible

Dr Wulfila, griechisch und latinisch Ulfilas, (ungfähr 311-383) isch dr Missionar und Bischof vo de Weschtgote gsi, und het s arianisch-germanische Chrischtedum gründet.

Lebeslauf[ändere | Quälltäxt bearbeite]

Dr Wulfila (Bedütig vom Name: ä chliis Wölfli) isch um 311 n. Chr. gebore worde. Si Muetter schtammt vo kapadokische Chriegsgfangene ab, är isch entwäder Goot oder Halbgoot gsi. Im Alter vo drissig Johr isch er 'Bischof vo de Chrischte im gotische Land' worde. Er het im Biet vo de Weschtgote an dr untere Donau bis 348 missioniert, zun erä Ziit, wo s mänggisch Chrischteverfolgige geh het. Er isch in Balkan cho, wo er bi de dörtige Goteschtämm während 33 Johr Richter und Bischof z Niš gsi isch. Dört het er au um 369 d Bible übersetzt und, um s Gotische gnauer z widergee, het er us Ruune, latinische und griechische Buechstabe s gotische Alphebet gschaffe.

Gschichtligi Bedütig[ändere | Quälltäxt bearbeite]

Dr Wulfila isch nit a hundertprozäntige Arianer gsi—für ihn isch dr Jesus au Gott gsi—aber er wird zur arianische Chille zelt. Dass die germanischi Oberschicht zum Arianismus ghört het, het zu vile Konflikt zwüsche ihre und dr katholische Bevölkerig gfüehrt.

Lueg au[ändere | Quälltäxt bearbeite]