Vaduz

Vaduz
Basisdata
Staat:	Fürschtetum Liechtestaan
Wahlkreis:	Oberland
Gmoandsummere:	7001
Poschtloatzahl:	9490
UN/LOCODE:	LI VDZ
Koordinate:	758008 / 22306147.1396519.521804
Höhi:	455 m ü. M.
Flächi:	17.3 km²
Iiwohner:	5236 (31. Dezember 2011)
Bevölkerigsdichti:	303 Iiwohner pro km²
Uusländeraatoal:	41,0 % (31. Dezember 2010)
Website:	www.vaduz.li
Karte

Vadoz

Dialäkt: Liachtaschtanerisch

Vadoz (hochdütsch Vaduz) isch d'Hauptschtadt bzw. dr Hauptort vom Liachtaschta.

Gschecht vo Vadoz

Vadoz wört 1150 s erschte Mol erwähnt. Set Metti vom 14. Johrhundert isch s Schloss dr Sitz vo da Grafa vo Vadoz gse. 1719 sin d Grafschafta vo Vadoz und d Herrschaft Schellaberg unterem Nama "Liachtaschta" zum reichsumittelbara Förschtatum wora. 1723 het's Sitz und Stimme im Reichstag (HRR) geh. Dr Nama Vadoz kunt usem Romanischa: "avadutg", vo lat. "aquaeductus" = Wassrleiteg. An anderi Dütig vom Nama set, dass es vo "vallis dulcis" käm, was sövel haasst wia "liablegs Tal".

Sehenswürdigkeita

Vadoz ischt o a sehr beliabts Dörfle för Tourischta, es wören vil Lüt azoga vo da Sehenswürdigkeita und vo da vila Fiirtig und da Feschter wo's do git wia beischpielswis s Förschtafescht. D'Strossa vo Vadoz sin a jedem 15. August, wenn's förstafescht stattfindet, gnagelt volla.

Zom Wandra odr Skifahra hät ma's ned wit is Malbu uffe, ischt gad epa a Halbstund medm Auto vo Vadoz entfernt, mem Bus ischt's o a Halbstund.

Sos ka ma do o afat a kle durch s Dörfle dorischlendra odr a da vila Events teilneh odr gi luaga, wia zom Bispil s alljöhrliche Volleyballspel odr s alljöhrliche Filmfescht, di vila Spel im Stadion.

Es het Bars und Partydecks z Vadoz, wia s L92 (ab 18 J.), s L2 (ab 18 J.), Blackbox (ab 21. J), Beat (Alter frei), Crash-Bar (18.J) und s Old Castle (frei).

Theater

• Klitheatr Schlösslekeller Vadoz
• Operettaböhne Vadoz
• Operaverein Vadoz

Musea

• Kunstmuseum Liachtenschta
• Briafmarkamuseum Vadoz
• Liachtenschtaner Landesmuseum
• Skimuseum vom Noldi Beck

s Schlössle z Vadoz

Bauwerk

• Schloss Vadoz, Wohrzaha vom liachtaschta und Setz vor Förschtafamilia (isch ned för d Öffentlichkeit zuagengig)
• Hofkellerei vom Förscht vo Liachtaschta
• Regiaregsgebäude (baut im Johr zwöschet 1903 und 1905, dr Sitz vom Landtag, wört im Volksmund o "s grosse Gebäude" gnannt)
• Kath. Kathedrala- und Pfarreikiarcha St. Florin (an neugotischa Bau; baut zwöschet 1868 und 1873)

Regelmäßigi Verastaltiga

• Jeds Johr wört am 15. August dr Staatsfiirtig med amna Fescht und drnoch med amna riesiga Füürwerk gfiret.

Wörtschaft und Infrastruktur

• Hochschual Liachtaschta
• Liachtaschtanische Landesbibliothek
• Liachtaschtanischr Bankavrband
• Mehrzweckhalla Spörry
• Liachtaschta Bus
• LGT Bank In Liechtenstein

Politik

Börgermeischter isch set 2007 där Ewald Osplet

Sport

• Rhiipark Stadion, 4.500 Plätz, Stadion vom Vadozner Fuassballclub und vor Liachtaschtanischa Fuassballnationalmannschaft, eröffnet im Johr 1998. S Fuassballstadion Vaduz ischt verglecha med dr Iwohnerzahl s gröschte Stadion uf dr Welt.
• Freibad Möhleholz
• Minigolf-Sport-Aalag Schaa/Vadoz

Weblink

 Allmänd (Commons): Vaduz – Sammlig vo witere Multimediadateie

• Website vo Vadoz
• Artikel Vadoz im Historische Lexikon vo dr Schwiiz