Balzers
| Wappa | |
|---|---|
 |
|
| Basisdata | |
| Wahlkreis: | Oberland |
| BFS-Nr.: | 7003 |
| PLZ: | 9496 |
| Koordinaten: | 47° 04' n. Br. 9° 30' ö. L. |
| Höhi: | 472 m ü. M. |
| Flächi: | 19.6 km² |
| Ywohner: | 4.513 (31. Dezämber 2008) [1] |
| Websita: | www.balzers.li |
| Karta | |
 |
|
| Dialäkt: Liechtenschtänisch |
Balzers isch di södlegscht Gmand vom Liachtaschta. Well döt dr Pföö viil und fescht goot, seet ma da Balzner oo "Pföötschinka".
Inhaltsverzeichnis |
[ändere] Wappa
S Gmandswappa vo Balzers isch ursprüngleg s "Balzner Förkle", a drüzackige Höögabla, gse. Am 16. Auguscht 1956 isch vom Förscht Franz Josef II. vo Liachtasta dr Gmand a neus Wappa verleha wora. S neu Wappa isch das vo da Freiherra von Frauaberg. Ene sind, zemma met dena vo Guataberg, um 1300 d Burgherra vo Guatberg gse. Bsunders bekannt isch dr Minnesängr Heinrich vo Frauaberg. Er wörd i dr Manessischa Liadrhandschreft erwähnt. S Gschlecht isch urkundleg noochwisbar vo 1257 bis 1336. S Wappa zaagt im blaua Feld ufrecht an goldega Gryff, met ara rota Zunga und met rota Kralla.
[ändere] Sähenswördegkeita
D Burg Guataberg isch s Waarzeiha vu Balzers. Bi Usgrabega hät ma vile interessante Fund gmacht. Net no vo da Römer, sondern o scho us dr Jungstaizeit, bsunders bekannt sind dr Eber und dr Hirsch und d Marsfigur "Mars von Gutenberg". S git am Dorfplatz an Marsbrunna met ara Kopii vo dera Statua. Ma ka d Burg o besichtiga, und s git Füarega.
D Mörderburg isch d Ruina vor Burg Grafeberg ufem Gebiat vor Schwizer Gmand Fläsch, wo aber zo Balzers ghört. Anderi Sähenswördihkeita sind d Mariahelf-Kapella im Ortstal Mäls, a Kapella St. Petr mit am spotgotischa Flögelaltar, d Kiarha St. Nikolaus, da Alt Gottesacker ond Naturschotzgebiat St. Katharina-Bronna.
[ändere] Ortstaal (Wiiler)
- Balzers (olim: Palazoles)
- Mäls (olim: Meilis) isch a früahares Sumpfgebiat gse.
[ändere] Politik
Gmandvorsteher isch dr Arthur Brunhart (VU). Dr Gmandrot bstoot us 13 Setz (VU 6, FBP 6, FL 1).
[ändere] dr Pföö
Früaner häts a paar Dorfbränd ggee, well d Hüüser us Holz gse sind und dr Funkaflug us da Kämes s vom Pföö tröchnete Material sofort hät könna zom Brenna bringa. Wäga däm hät ma s Füürmaha verbota, wenn dr Pföö gganga isch.
Hötzutag isches nümma so gföörleg, aber wenn dr Pföh goot, isch eigentleg am Schwizer Militär am Luzisteig verbota zom Schüssa. Ana 1985, dr 5. Dezember, amana Donnschteg, händ's trotzdem a Schüüssüabeg gmacht und der Funkaflug hät an Brand verursacht, wo schliassleg uf dr ganz Wald oberhalb vo Balzers öberggreffa hät. Untar dr vilna Füürweermänner isch oo dr David Vogt gse, wo met sim Helihät trotz wege däm Storm zom extrem schteila Hang aheflogan esch um s Löschwasser abzwerfa. Wega däm läbensgföhrlege Iisatz hät ma em d Fluglizenz entzoga, wel er gwössne Limits öberschretta hät. Das het dänn fascht an Volksufschtand gge, o wel dr Brand scho langsam gega Tresaberg zuahe isch. S Füür hät aber rechtziteg könna glöscht wöra, o dank am Löschheli und sim Pilot, wo berüahmt wora isch för sin Iisatz und för Vilne so an Art Volksheld. D Fluglizenz hän d Hüater vom Gsetz em Helipilot öbregens weder zrockge.
[ändere] Luag oh
Allmänd (Commons): Balzers — Witeri Mulitimediadateie zum Artikel
