Uster-Oetwil-Bahn

Us der alemannische Wikipedia, der freie Dialäkt-Enzyklopedy
Hops zue: Navigation, Suech

D Uschter-Oetwil-Bahn (UOeB) isch e Schwyzer Bahngsellschaft gsi, wo im Züri Oberland vo 1909 bis 1949 e schmalschpurigi Überlandbahn betriibe hät.

Gschicht vo de Entschtehig[ändere | Quälltäxt bearbeite]

Villi Wünsch, Projäkt, Lokalinterässe sind scho vorhande gsi. D Forchbahn hät scho im Jahr 1873 e Konzession für de Abschnitt vo Esslinge nach Uster gha.

Im Jahr 1893 isch es Gsuech für de Buu vonere schmalschpurige Schtrassebahn vo Winterthur nach Uschter und Ötwil am SeeSchtäfaMännedorf nach Meile iigreicht worde. Im März 1895 isch es normalschpurigs Projäkt für ei Bahnlinie vo Effretike über Volketschwil–Uschter–Egg und dur en 250 Meter lange Pfanneschtiiltunnel nach Meile vorgschtellt worde. De Gmeind Ötwil am See hät diä Schtreckefüerig über Egg natürli nöd gfalle und hät defür e Wiiterfüerig über Ötwil nach Üerike/Schtäfa schtatt nach Meile vorgschlage. Wils scho es buurriifs Projäkt ge hät für e schmalschpurigi Bahn vo Wetzike über Grüenige, wo an Zürisee hät sölle füere, hät di kantonali Komission ei Fusion vo dene beide Projäkt gfordert.

1896 händ d eidgenössische Rät ei Konzession für e normalschpurigi Bahn vo Uschter über Mönchaltorf-Gossau-Ottike nach Grüenige erteilt und vo dete nach Hombrächtike, wo en Aschluss a d äbefalls projäktiirti Uerikon-Bauma-Bahn (UeBB) erfolge sötti.

Literatur/Quälle[ändere | Quälltäxt bearbeite]

  • Werner Neuhaus - Aus den Annalen der Uster-Oetwil-Bahn; Th.Gut+Co.Verlag, Stäfa 1976

Weblinks[ändere | Quälltäxt bearbeite]