Uster

Uschter

BW

Wappe
Basisdate
Kanton:	Züri
Bezirk:	Uschter
BFS-Nr.:	0198
PLZ:	8610
Koordinate:	47° 21' n. Br. 8° 43' ö. L.
Höchi:	464 m ü. M.
Flächi:	28.56 km²
Iwohner:	32.285 (31. Dezämber 2010) [1]
Website:	www.uster.ch
Karte
fwwww

Uschter (amtlich: Uster) isch e politischi Gmeind und dr Hauptort vom gliichnamige Bezirk vom Kanton Züri.

Geografii

Schloss Uschter

Mit über 32'000 Iiwoner isch Uschter di drittgröschti Stadt im Kanton Züri und ghöört zu de 20 gröschte Schtedt i de Schwiiz.

• 27 % Wald
• 44,5 % Kulturland
• 26,2 % Sidligsflächi

S Wahrzeiche vo Uschter isch s Schloss Uschter au d'Burg gnännt, wo im Stadtzäntrum uf äm Schlossberg höch über de Stadt tront.

Ortsteil

Reformierti Chile Uschter vom Schlossturm uus gsee

Schtattzentrum vo Uschter vom Schlossturm uus gsee

• Chirchuschter
• Niederuschter
• Oberuschter
• Nossikä
• Riedikä
• Wärrikon
• Winikon-Gschwader
• Freudwil
• Wärmatswil
• Nänike
• Sulzbach

Bevölkerig

• Usländeranteil: 21.5%

Religionen - Konfessionen

• 45 % reformiert
• 31.7 % römisch-katholisch
• 11.6 % anderi
• 11.7 % Konfessionslos

Gschicht vo Uschter

Di alemannisch Siedlig vo Uster wird im Johr 775 erschtmals urkundlich erwähnt.

Am 22. Septämber 1830 händ rund 10'000 Aaghörige vo dä zürcher Landbevölerig in Uschter gäge d'Vorherrschaft vo dä Stadt über d'Landschaft proteschtiert. De Protescht isch d Geburtschtund vo dä moderne demokratische Schwiiz wordä und als Uschtertag id Gschicht iigange.

Am 9. Juli 1927 sind di bisherige Zivilgmeinde zur politische Gmeind Uschter zämägschlosse worde.

Wirtschaft

D' zentrali Lag und d' gueti Erschlüssig dur de öffentlich Verchehr hät 1990 en Bauboom und schtigendi Immobilieprise usglöst.

Öffentlichi Verchehr

Uschter isch beschtens mit dä öffentliche Verchehrsmittel erschlosse. Es fahred 4 S-Bahn Linie nach Züri, wo in Uschter tüend ahalte (S5, S9, S14, S15). Am Wucheändi gits no schpezielli Nachtzüg. D' einzelne Linie verchehred im Halbschtundrytmus. Wärchtygs gits schtündlich 8, am Wucheändi 6 Züg nach Züri sowiä täglich 6 Züg, wo is Züri Oberland füehred. Mit de Linie S5 und S15 chunnt me innert 15 Minute direkt is Zäntrum vo Züri.

In Uschter sälber schtönd de Reisende 7 lokali und 6 regionali Buslinie zue verfüegig.

Externi Syte

 Allmänd (Commons): Uschter — Witeri Mulitimediadateie zum Artikel

• Di offizielli Website vo Uschter