Taal SG

Thal
	Wappe vo Thal
Basisdate
Staat:	Schwiiz
Kanton:	St. Galle (SG)
Wahlchrais:	Rorschach
BFS-Nr.:	3237
Poschtleitzahl:	9423 Altenrhein; 9422 Buechen; 9425 Buriet; 9422 Staad; 9425
UN/LOCODE:	CH ATR (Altenrhein); CH THL (Thal)
Koordinate:	760424 / 259496Koordinate: 47° 28′ 0″ N, 9° 34′ 0″ O; CH1903: 760424 / 259496
Höchi:	415 m ü. M.
Flächi:	9,58 km²
Iiwohner:	6914 (31. Dezämber 2022)
Website:	www.thal.ch
Charte
	Charte vo Thal

S SG im Lemma isch s offiziell Chürzel vom Kanton Saggale und wird bruucht, zum Verwächslige mit Yträäg vom Name Thal vermyde, wo öppis anders meined.

Taal ischt e politeschi Gmäind am Nordendi vom Sanggaller Rhintl, zwüsche Rorschach und Sammergreete, am Delta vom alte Rhi am Bodäsee.

Laag

Taal isch zäntral gläge, einersiits a de Autobahn, am Flughafe, nööch bim Bahnhof Rhynegg und grad a dä Gränze zu Öschtriich. Wär äs Böötli hät, cha au rasch uf Lindau übere faare.

Zu de Gmäind Taal ghört au no Schtaad und Altery mit em Flughafe dezue.

Wertschaft

Dä gröscht Arbetgeber isch d Sefar oder au Sydegasi gnännt.

S Waarzeiche vo Taal isch de Schtäinig Tisch, dä Berg wo vom Militäär uusghölet worden ischt wien en Ämmetaler Chääs. A syne Häng wachst än rächt guete Wy, aber dä ischt so tüür dass me säit, dass sogar die, wo Räbe hegid, heimlich uf Gaissau schliichid und Öschtricher Wy chaufe tegid.

Verein

Es hät en huufe Verein z Taal, dä Turnverein, d Männerriige, d Frauriige, de Dunnschtigsklub, de Fuessballklub und sogar ä Modällfluggruppe.

Musee

Am Flugplatz vu Altenrhein gits es Museum mit alte Flugzüg, wo mer immer no demit flüüge kaa.^[2]
D Hundertwasser-Markthalle in Staad isch am Chraisverchehr zwische Staad und Alterhii glege. Si isch zwische 1998 und 2002 baut worre. D Idee und s Konzept goht uf de weltbekannte Künschtler Friedrich Hundertwasser zruck. Gplant hot se de Architekt Peter Pelikan. Vu weitem siehet mer scho die vier vergoldete Turmkupple. D Halle mit bunte Säule, wo ussähet wie Kegel isch im Erdgschoss. Dett werret au Feschtle gfeiert. Usserdem gitts det Vorführunge ibber d Architektur vum Künschtler Hundertwasser. Es Dachgeschoss isch mit Pflanze und Wiise schöner gmacht und mer kaa det lang laufe.^[3]