Remètschwyl

47.688.1583333333333766

Remetschwiel Gmeind Wyylè
Wappe vo Remetschwiel
Dialekt:	Alemannisch
Hauptvariante:	Hochalemannisch
Regionalvariante:	Südschwarzwälderisch
Höchi:	766 m
Iiwohner:	486
Iigmeindig:	1. Januar 1975
Regierigsbezirk:	Fryburg
Landchreis:	Waldshuèt
Nummereschild:	WT

Remètschwyl isch dè drittgröschte Ortsdeil vo dè Gmeind Wyylè im Landchrais Waldshuèt z Baddè-Württèbärg. Remètschwyl isch bis zuè dè Gmeindsreform im Johr 1975 e selbschtändigi Gmeind gsi, zuè dèrrè nò Brunnõdèrè ghört hèt. Zu dè ehemòòligè Gmeind Remètschwyl hèt au dè Zinkè Waldhuus ghört.

Geografy

Remetschwyl vom Südè vo dè B 500 hèr

Remètschwyl lyt im Südschwarzwald i dè Region Hochrhy, 6,9 km wescht-nordweschtlich vo Wyylè un obberhalb vo dè Alb. Remètschwyl lyt nördlich vom Gupfè, èm högschtè Buggel vo dè Gmeind Wyylè un ein vo dè Büggele vom Höchèschwander Bärg. S Dorf lyt am Firscht vom Höchèschwander Bärg un wörd am öschtlichè Dorfrand vo dè B 500 tangyrt. Ennèt vo dè B 500 lyt Bannholz, 1,7 nördlich vo Remètschwyl lyt Brunnõdèrè, s Gschpônli vo Remètschwyl. 800 m nördlich vo Remètschwyl lyt d Waldhuus-Brauerei mit èm glychnamigè Zinkè.

Gschicht

Èrschti Erwäänung findet Remètschwyl urkundlich im Johr 962. 850 Johr lang isch Remètschwyl unter dè Hèrrschaft vom Sankt Bläsy gsi, dè Remètschwyler Meierhof isch zum Grichtssstand für diè ganz Region am Vorderhaag, dè Gegend vor èm Haagwaald, worrè. Dõmit isch s Remètschwyler Gericht diè letscht Inschtanz vor èm Kammergricht un èm Abt vo Bläsy gsi. Remètschwyl hèt zum Vorderhaag un dè Einig Birndorf ghört, also gègè s Hochrhydal abbè tendyrt. In geischtlichè Belang isch sit 962 d Pfarrei Waaldkirch für Remètschwyl zuèschtändig gsi.

Gotteshüser

Diè 2002 neu bauti St. Florians-Kapellè nördich vo Remètschwyl.

Im Johr 2002 isch nördlich vum Dorf a dè Strõß gu Brunnõdèrè è Kapellè baut worrè, d St. Forians - Kapellè

Infraschtruktur

Panoramabild vo dè Haagwaldhallè z Remètschwyl, links denäbbè stoot au no s Füerweerhuus vo Remètschwyl

Z Remètschwyl stòt am nördlichè Dorfrand d Haagwaldhallè, dirèkt denäbbè stòòt s Füèrweerhuus.

Vokeersaabindig

Remètschwyl lyt uumittelbar a dè B 500, öppè 800 m südlich vo dè Waldhuus-Brauerei. Gegèübber vo dè Abzwygung a dè B 500, also öschtlich dèvò. lyt dè Wyylemer Ortsdeil Bannholz, wo au d Vobindungsschtrõß uff Wyylè, d K 6551, durrègòt. D K 6551 gòt i diè ander Richtung nördlich uss Remètschwyl usè, macht èn Rank nõch Weschtè un denn gäch i s Loch abbè, um a diè L 154, d Albdalschtrõß, bi dè Niddermülli aazschlièßè. Dè Remètschwyler Nõchbòrort Brunnõdèrè lyt a dè K 6552, wo vom Rank èwäg èrscht uff Brunnõdèrè un denn witter a d B 500 gòt.

Ortsdeil

Brunnõdèrè

S Dorf Brunnõdèrè lyt 1,5 km nordweschtlich vo Remètschwyl. Bis zuè dè Gmeindsreform im Johr 1975 èn Ortsdeil vo Remètschwyl gsi.

Waldhuus

Dè Zinkè Waldhuus bschtòt nu uss dè Bedrybsgebäude vo Brauerei Waldhuus. D Waldhuus-Brauerei lyt uumittelbar a dè B 500 uff èm Höchèschwander Bärg obbè.

Weblingg

 Commons: Remètschwyl – Sammlig vo Multimediadateie