Osmanisches Reich
| Osmanlı Devleti Devlet-i Aliyye-i Osmaniyye دولت عالیه عثمانیه S Osmanische Riich |
|
 |
 |
| Wahlspruch: دولت ابد مدت Devlet-i Ebed-müddet (Der Ewig Staat) |
|
| Amtsschpraach(e) | Osmanischs Türkisch |
| Hauptschtadt | Bursa (1335–1365) Edirne (1365–1453) Istanbul (1453–1922) |
| Schtaatsform | Absoluti Monarchii Konstitutionelli Monarchii (ab 1876) |
| Schtaatsoberhaupt | Sultan |
| Regierigschef | Grosswesir |
| Flächi | 1. 4.800 km² (1299) 2. 15.162.000 km² (1574) 3. 20.090.263 km² (1595) 4. 2.987.100 km² (1906) ohni Vasalle[1] km² |
| Iiwohnerzahl | 89.000.000 (1526) 24.028.900 (1906) ohni Vasalle[2] 30.000.000 (1915) 12.600.000 (1923) |
| Währig | Akçe, Kuruş, Lira, Sultani, Para |
| Gründig | 1299 |
| Nationalhymne | Devlet-i Aliye-i Osmaniyenin Milli Marşları |
 |
|
S'Osmanische Rich (au Ottomanischäs odr Türkischäs Rich; Türkisch: Osmanlı İmparatorluğu, Osmanisch: Devlet-i Âliyye-i Osmaniyye) isch d'Bezeichnig för s'Rich vo dä Dynastie vo dä'n'Osmanä vo ca. 1299 bis 1923. In Europa isch das Land als „Türkei“ beziäigswis „Türkischäs Rich“ bezäichnät wordä. Anatoliä isch i latinischä Werch noch dä Landnahm vo dä türkischä Seldschukä beräits sit äm 12. Johrhundärt „Türkei“ (bzw. „Turchia“) gnennt wordä.
Äs isch us äm Sultanat vo dä Rum-Seldschukä entstandä und mehräri Johrhundärt lang di entschäidändi Macht z'Chliasiä, im Nöchä'n'Oschtä, of äm Balkan, z'Nordafrika und of dä Krim gsi. Im Lauf vom 18. und v.a. 19. Johrhundärt isch äs im Strit met dä'n'europäischä Mächt noch Chliasiä und in Nöchä'n'Oschtä zrockdrängt wordä. Di hütig Türkei isch dä Nochfolgestaat vom Osmanischä Rich.
Di osmanischä Sultän sind sunnitischi Muslim gsi und sind dä hanafitischä Rechtsschuäl gfolgt.
[ändere] Entwicklig
S git nöd so vil Öberlifärigä'n'öbr d'Afangszit vo dä'n'Osmanä (Osmanlı, Osmanisches Reich = Devlet-i Âliye, Osmanlı Devleti) wil's sich um ä chliis undr vielä Fürstätümer ghandlät het, wo's noch äm Zerschloo vom Seldschuken-Riich z'Chliasiä ge het. Ossärtem sind vieli wertvolli Büächär und Tegscht dör d'Zerstörig vo Bursa dör dä Timurlenk värlorä gangä. Dä Namensgeber Osman I. isch afangs 14. Johrhundärt dä Herrschär öbr än nomadischä Stamm, dä Klan vo dä Kayı vom Stamm vo dä Bozok bi Söğüt im nordweschtlichä'n'Anatoliä gsi. De turkmenisch Stamm isch islamisch gsi. 1299 het där Osman d'Unabhängigkeit vo sim Beylik vom Riich vo dä Rum-Seldschukä'n'erchlärt.
[ändere] Nowiis
