Nicolas Louis de Lacaille

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Nicolas Louis de Lacaille (1713–1762)

De Nicolas Louis de Lacaille (* 15. März 1713 z Rumigny; † 21. März 1762 z Paris) isch en französische Astronom gsii und het a 14 vo 88 Sternbilder de Name gee.

Lebe und Würke[ändere | Quälltäxt bearbeite]

De Lacaille het Theologii studiert, sich denn aber immer mee för Mathematik und Astronomii interessiert. Im Joor 1739 het er em Jacques Cassini bim Usmesse vom Meridian bi Paris ghulfe und 1741 ischer e Mitgliid vode Pariser Akademii worde. Denn, 1746, het er am Collège Mazarin de Lehrstuel för Mathematik öbercho und het Sternekatalög und astronomischi Tafle noi berechnet.

1750 isch er för vier Joor as Kap vo de Guete Hoffnig graist und het döte Parallaxe vom Moo, vode Venus und vom Mars gnoier bestimmt. Er het aber au d Sternbilder vom Südhimmel beobachtet und debii fast zeetusig Sterne katalogisiert. Sin Coelum Australe Stelliferum isch aber erst 1763 postum veröffetlicht worde.

Sini Berechnige woner z Südafrika gmacht gha het, hend d Richtigkait vode Vermuetig, as d Erde en abgflachti Chugle muess sii, bestätigt. Die Vermuetig isch vom Füsiker Isaac Newton vortrait worde.

Da sind d Sternbilder wo de Lacaille iigfüert het:

Antlia, Caelum, Circinus, Fornax, Horologium, Mensa, Microscopium, Norma, Octans, Pictor, Pyxis, Reticulum, Sculptor und Telescopium.

Büecher wo de Lacaille gschribe het[ändere | Quälltäxt bearbeite]

  • Leçons d'astronomie (Paris 1746; noi usegee vom Jerome Lalande, Paris 1780)
  • Éphémérides des mouvements célestes depuis 1745–75 (Paris 1745–63, fortgesetzt vom Lalande)
  • Astronomiae fundamenta (Paris 1757)
  • Observations faites au cap de Bonne-Espérance (Paris 1763)
  • Coelum australe stelliferum (usegee vom Jean-Dominique Maraldi, Paris 1763)
  • Observations sur 515 étoiles du zodiaque (usegee vom Jean Sylvain Bailly, Paris 1763)
  • Tables solaires (Paris 1758)
  • Tables de logarithmes (Paris 1760)

Weblinks[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Nicolas_Louis_de_Lacaille“ vu de dütsche Wikipedia.

E Liste vu de Autore un Versione isch do z finde.