Mut

D Mut in dr Form von erä Frau, mit Geierchappe, Doppelchrone und emä Anch in dr Hand.

D Mut isch än altägyptische Göttin gsi. Si het ihr Kultzentrum im oberägyptische Thebe gha, wo si ä Deil vo dr thebanische Götterdreiheit gsi isch, mit em Amun as Ma und em Mondgott Chons as Chind.

Name und Beschriibig

Ihre Name wird   oder   ( MdC Transliterierig: mw.t ) gschriibe und bedütet Mueter. Si wird as Geier oder as Frau mit erä Geierchappe und dr ägyptische Doppelchrone zeichnet. Mänggisch hebt si es oberägptischs Papyruszepter in dr Hand. Ihr Chleid isch hüfig rot oder blau.

Wäse

Wo dr Amun mit em Re verschmulze isch, het d Mut as si Gfährte au Attribut vom Sunnekult übernoh und isch s Aug vom Re worde. Si het denn au die traditionelli Form vom Aug vom Re, s Leuewiibli, übercho und isch so au mit dr Sachmet identifiziert worde. Sit em Neue Rich het mä sä hüfig zu de Schöpfergottheite zelt mit em Name Mueter vo dr Sunne in welere er ufgoht'.

Au mit dr Isis isch si identifiziert worde und mit dr Bastet, erä Wildchatzegöttin.

Quelle

Manfred Lurker, Lexikon der Götter und Symbole der alten Ägypter, Scherz 1998

 Commons: Mut – Sammlig vo Multimediadateie