Musikinstrument

Us der alemannische Wikipedia, der freie Dialäkt-Enzyklopedy
Hops zue: Navigation, Suech

E Muusiginstrumänt isch e Geegestand, wo eso konstruiert oder veränderet worden isch, as mä Muusig cha drmit mache. Im Brinzip cha jeede Geegestand, wo Döön oder au nume Grüsch cha mache, as Muusiginstrumänt brucht wärde. Aber im Allgemäine brucht mä dr Begriff nume für soonigi Geegeständ, wo speziell für dä Zwäck härgstellt oder veränderet worde si. Mänggisch bezäichnet mä au die menschligi Stimm as Muusiginstrumänt.

Klassifikazioon[ändere | Quälltäxt bearbeite]

Mä cha d Muusiginstrumänt in e Hufe verschidnigi Grubbe iidäile. Alli Klassifikazioonssüsteem häi Vor- und Noochdäil und bi allne git s meer oder weeniger vil Usnaame.

Klassifikazioon noch dr Art wie dr Doon erzügt wird[ändere | Quälltäxt bearbeite]

Klassischi Iidäilig[ändere | Quälltäxt bearbeite]

Innerhalb vo däm Schema si Mischforme mööglig.

Füsikalischi Iidäilig[ändere | Quälltäxt bearbeite]

Wie mä d Füsik hinder de Erschiinige het afo verstoo, und wo „elektrischi“ Instrumänt ufchoo si und mä het afo elektronischi Muusig mache, het mä im 20. Joorhundert d Muusiginstrumänt su us ere phüsikalische Sicht afo iiordne, wo sich bi Fachlüt im Instrumäntebau immer mee duuregsetzt het. Doo underschäidet mä:

  • Mechanischi Muusiginstrumänt, Instrumänt wo mä mit dr klassische Mechanik cha beschriibe. (z. B. Giige, Pauke, Flööte, Xylofoon). Vilmol bezäichnet mä die Instrumänt as „akustisch“ oder „natürlig“, au wenn natüürlig alli Muusiginstrumänt en akustische Däil häi, wil mä ooni die akustischi Wälleusbräitig nüt cha ghööre. Und „natürlig“ im Sinn vo „us dr Natur cho“, si si au nid. D Vorgäng bi dr Doonerzüügig wärde mit Begriff wie Haftriibig oder Gläitriibig, Strömigsmechanik, Masse, Fäädere, Dämpfig usw. beschriibe.
  • Mechanischi Muusigautomaate, wie mechanischi Muusiginstrumänt, allerdings mit ere automatische Spiilvorrichdig. (z. B. Orchestrion, Pianola)
  • Elektromechanischi Muusiginstrumänt, wo uf ere mechanisch-elektrische Energiiumwandlig basiere (z. B. E-Gitarre, Hammondorgle). „Elektrischi“ Muusiginstrumänt git s in däm Sinn nit, wil e Schaltig wo nume us passive Bauelemänt wie Spuele, Widerständ und Kondensatoor bestoot], wie si zum Bischbil in E-Gitarre iigsetz wärde, nit sälber aktiv Döön erzügt. Es brucht en aktivs Elemänt oder en Energiiumwandlig.
  • Elektronischi Muusiginstrumänt basiere uf aktive elektronische Bauelemänt wie Vakuumrööre oder Transistoor. Do wird d Schwingig räin elektronisch erzügt. (z. B. Trautonium, Synthesizer) Bin ere witere Entwicklig git wird dr Klang räin digital beschriibe und d Umwandlig in füsikalischi Schwingige bassiert erst ganz am Ändi vo dr Signalverarbäitig mit Hilf vom ene Anaglog-Digital-Wandler.

Klassifikazioon noch wie dr Schbiller s Instrumänt brucht[ändere | Quälltäxt bearbeite]

Unabhängig vo dr Art, wie dr Doon erzügt wird, isch s au mmööglig, noch dr Art vo dr Benutzig z klassifiziere. Do underschäidet mä:

Wenn dr Klang ooni Schbiiler erzügt wird, reedet mä au von eme Muusigautomaat.

Klassifikazioon noch em Roomaterial[ändere | Quälltäxt bearbeite]

In Ostaasie het mä Muusiginstrumänt noch iirem Rohmaterial underschiide. S Süsteem vo de Acht Kläng (chin. 八音, bāyīn, japanisch „Hatchi-In-System“) underschäidet acht Materialgrubbe: [1] Metall (Gold, Bronse, Staal), Stäi, Garn (Siide, Wulle), Bambus, Chürbisfrücht, Doon, Lääder und Holz.

Wiiteri Klassifikazioone[ändere | Quälltäxt bearbeite]

Weblingg[ändere | Quälltäxt bearbeite]

 Allmänd (Commons): Musikinstrument – Sammlig vo witere Multimediadateie

Fuessnoote[ändere | Quälltäxt bearbeite]

  1. Erklärigsteggst vom japanische Komponist Maki Ishii über e Sanukitophon im Japanisch-Dütsche Zentrum Berlin. Gfunde am 19. Juni 2010
Dä Artikel basiert uff ere fräie Übersetzig vu dere Version vum Artikel „Musikinstrument“ vu de dütsche Wikipedia.

E Liste vu de Autore un Versione isch do z finde.