Grüsch

Us der alemannische Wikipedia, der freie Dialäkt-Enzyklopedy
Wisses Rusche

Onder am Grüsch verschtohd mr an Loud, wo ma mit den Ohra wahrnimmt, und wo ma nit als Ton oder Gmisch vo Töön wurd bezaichna. Phüsikalisch gsee si s Schwingige, wo im Allgemäine käi Periodizidäät häi und wo d Struktur von ene sich im Lauf vo dr Zit cha ändere.

E Grüsch kah sowoll laud wie au lois sei, muss si abr in aram Frequenzbreich bfinda, den s menschlicha Ghör wahrnemma koh. Grüsch kennet ols ohgnehm odr onohgnehm empfonda werda. Des isch gonz von dr Schdimmong ond dr Bloichdung abhängigi. Au Muusig isch moichmol a Grüsch.

Grüsch entstöön im Allgemäine usserhalb vom Körper, äärodünamisch (z. B. bi Lüfter, Windgrüsch, Bloosinstrumänt), mechanisch (wie z. B. Schleeg vom ene Hammer, Kwiitsche vo Brämse oder s Spiile vo Schlaaginstrumänt), thermodynamisch (z. B. Schwäissbrenner, Explosioon) oder anders wie bim Brummdoon-Fenomeen, wo mä nid genau wäiss, vo wo es chunnt; si chönne aber au im menschlige Ghöörapparaat entstoo wie dr Tinnitus.