L'Alsace - Le Pays

L'ALSACE - LE PAYS
Beschriibig	Tàgszitung fer s Elsàss und d Franche-Comté
Erstusgob	Novamber 1944
Erschiinigswiis	tàglig
Chefredakteur	Christian Battesti
Herusgäber	Christian Battesti
Weblingg	www.lalsace.fr

Dialäkt: Mìlhüüserisch

D Zitung L'Alsace-Le Pays ìsch a frànzeescha regionàla Tàgszitung. Ìm Elsàss gìt's dia Zitung unter'm Nàma "L'ALSACE", ìn dr Franche-Comté gìt's d gliicha Zitung unter'm Nàma "Le Pays". 's ìsch d zweita Zitung ìm Elsàss un d erschta ìm Owerelsàss.

D Zitung ìsch grìnda worra ànna 1944.

Ànna 1984 ìsch a Edition fer d Kìnder derzüe kumma: Le Journal des Enfants (D Zitung vu da Kìnder), mehr bekànnt unter d Àbkìrtzung "JDE".^[1] As kummt àlla Dunschtig üssa.

Verschìedena Heftla gìt's aui unter dr Wucha: „Version femina“ (a Blättla mehr fer d Fràuia)^[2], „TV hebdo“ (mìt da Television-Sandunga)^[3], „Emploi“ (Ààzeiga fer Àrwet süecha), „Immobilier“ (Ààzeiga fer Hiiser un Wohnunga), „Petites annonces“ (verschìedena Ààzeiga).

Jeda Gegend hàt ìhra eigena lokàla Edition. Zum Bispiel: Colmer, Milhüsa, Sundgàui, Drèiecklànd...

Ìm Elsàss wìrd d Zitung jeder Morga friaih heimglìefert, vu äbena 1000 Zitungtrajer. Dàs gìltet fer „L'ALSACE“ un fer ìhrer Konkurrant d „DNA“.

Geogràphischa Verbreitung

Dr Hàuiptsìtz ìsch z Milhüsa. As gìt aui mehrera Agences: zehna ìm Owerelsàss (Milhüsa, Àltkìrch, Colmer, Gawiller, Saint-Louis, Sainte-Marie-aux-Mines, Thànn, Wìttelsha...), zwei ìm Unterelsàss (Schlettstàdt un Stroßburri) un zwei üsserhalb vum Elsàss (Befert un Montbéliard).^[4]

Website

Zitter Juli 1996 gìt's a Website, wo n a Verfàssung vum Ìnhàlt vu dr Zitung zeigt.^[5] Wenn ma zàhlt, kàt ma aui gànza Àrtìkel sah, sogàr àrchiviarter Ìnhàlt (vu zitterm 1. Janner 2007).
Uf dam Website fìndet ma aui „News“ (Nèikheita wo noch frìscher sìn às d Zitung), a Forum un, zitter 2009, kurza Video. Dr Website ìsch ìnteràktiv: uf jedem Àrtìkel hàt ma d Meegligkeit, sina Meinung z'gaa, mìt'ma Benutzer-Login.

Mehrsprochigkeit

As gìt a zweisprochiga Üssgàb uf Frànzeesch un Hochditsch.

Dr elsassischa Dialekt wìrd nìt vergassa: verschìedena Verfasser han scho Chronik uf Elsassisch gschrìewa: dr Verele, dr Freddy Willenbucher alias „Profasser Flaschaputzer“. Zitter 2008 gìt's jeder Sàmschtig a Chronik gschrìewa (uf Elsassisch, noh dr Orthal-Methoda) vum a Journàlischt vu dr Zitung „L'ALSACE“, un jeder Sunntig a Erklärung (uf Frànzeesch) ìwer'ma bsundera elsassischa Wortschàtz Thema, gschrìewa vu'ma Dialekt-Expert (meinschtens dr Edgar Zeidler oder dr Yves Bisch).
Àm Sàmschtig 20. Septamber 2008 hàt dr Dominique Bannwarth a Chronik ìwer d àlemànnischa Wikipedia gschrìewa.^[6]