Ysländischi Sproch

Us der alemannische Wikipedia, der freie Dialäkt-Enzyklopedy
Ysländisch (íslenska)
Verbreitig: Ysland
Sprecher: 300'000
Linguistischi
Klassifikation
:
Offizieller Status
Amtssprooch vo: Ysland
Sproochchürzel
ISO 639-1

is

ISO 639-2 (B) ice (T) isl
ISO 639-3

isl

SIL

isl

Ysländisch (íslenska) isch e skandinavischi Sproch und Amtssproch vo Ysland.

Gschicht[ändere | Quälltäxt bearbeite]

Ysländisch isch äng mit em Altnorwegische verwandt. Sälli hät sich sit em 14. Johrhundert agfange verändere und isch zum moderne Norwegisch worre, Ysländisch isch aber durch sini isolierti Lag eso blybe. Di gschrybeni Sproch hät e langi Tradition, di älteste Beleg chömme uss em 11. Johrhundert. Im 12. Johrhundert hän d Ysländer zämme mit em Christetum au s latynische Alphabet übernoh. Mer verwändet d Büechstabe <c, q, w, z> nümmi, hät aber d Zeiche <ð, Þ> ygfiehrt.

Wyl Ysland als Insle vo de andere Länder zimlig isoliert isch, hät sich d Sproch sit em 12. Johrhundert nit verändert; Ysländer chönne d Schrifte uss derre Zit immer no läse. D Ussproch hät sich aber im 15. bis 16. Johrhundert stark verändert.[1][2]

Alphabet[ändere | Quälltäxt bearbeite]

S ysländische Alphabet bstoht uss 32 Büechstabe. Des sin vor allem latynischi, woby c, q, w, z nit brucht werre. Usserdem chömme alli Vokal (a, e, i, o, u, y) au mit me Akzänt Akut vor. Anderi Sunderzeiche sin <ð, þ, æ, ö>. S Zeiche <þ> chunnt uss em Rune-Alphabet. In de alphabetische Ordnig chunnt s <ð> noch em <d>, <þ, æ, ö> werre in gnännter Reihefolg am Änd vom Alphabet ygordnet. <á, é, í, ó, ú, ý> chömme noch de entsprechende Büechstabe ohni Diakritikum.

Phonology[ändere | Quälltäxt bearbeite]

Konsonante[ändere | Quälltäxt bearbeite]

Konsonante vom Isländische
  bilabial labio-
dental
dental alveolar palatal velar glottal
Plosiv p   t   c k ʔ
Nasal m   n   ɲ̊ ɲ ŋ ŋ  
Frikativ   f v θ ð s ç j x ɣ h
Vibrante       r      
Lateral       l   ɬ ɮ  

Ysländisch underscheidet zwüsche aspirierte, präaspirierte und stimmhafte Konsonante (vgl. Tabälle). Sogar d Nasale wyse de Kontrascht uff, was sunscht sälte isch.

Vokal[ändere | Quälltäxt bearbeite]

Monophthong vom Isländische
  vorne zentral hinden
züe i   u
fast geschlossen ɪ ʏ    
mittel ɛ œ   ɔ
offen   a  

In unbetonte Silbe sin Vokal immer chürzer wie in de betonte. Si trette aber au in betonte Silbe in drei Fallgruppe uff:

  1. Am Änd vo eisilbige Wörter
  2. Vor numme einem Konsonant
  3. Vor de Konsonanteverbindige [pr tr kr sr], [pj tj sj] oder [tv kv]

Wortschatz[ändere | Quälltäxt bearbeite]

E Merchmol vom Ysländische isch de Wortschatz. Ysländisch übernimmt numme wenigi Främdwörter; s hät sit 1964 e Komitee, wo d Entwicklig vo de Sproch beobachtet und kontrolliert und wo au neui Wörter «usdänggt». Di neue Wörter baue meistens uff em ursprünglige Wortschatz uff, so wird z. B. s Wort «Computer» zu tölva, wo eigentlig «Zällwerch» bedütet, s Delefon wird síma («Droht») gnännt.

Grammatik[ändere | Quälltäxt bearbeite]

Im Ysländische chönne Pronome, Subschtantiv, Verbe, Adjektiv und Zahlwörter uff vyli Arte flektiert werre. Säll cha bim Lerne vo de Sproch zu Schwyrigkeite fiehre.

Wie uff (Hoch-)Dütsch chönne Pronome in vier Fäll (Nominativ, Akkusativ, Dativ, Genitiv) stoh. S git im Singular und im Plural jewyls drei Persone, di dritti Person wird im Singular und im Plural in drei Gschlächter uffdeilt (Maskulinum, Femininum und Neutrum).

Genau wie d Pronome chönne au d Nome in drei Gschlächter, vier Kasus sowie in Singular oder Plural stoh. S git insgsamt vier Deklinationsmuster:

M1
Singular Plural Singular Plural
nom: hestur hestar hesturinn hestarnir
akk: hest hesta hestinn hestana
dat: hesti hestum hestinum hestunum
gen: hests hesta hestsins hestanna
M2
nom: gestur gestir gesturinn gestirnir
akk: gest gesti gestinn gestina
dat: gesti gestum gestinum gestunum
gen: gests gesta gestsins gestanna
F1
nom: borg borgir borgin borgirnar
akk: borg borgir borgina borgirnar
dat: borg borgum borginni borgunum
gen: borgar borga borgarinnar borganna
N1
nom: borð borð borð borðin
akk: borð borð borð borðin
dat: borði borðum borðinu borðunum
gen: borðs borða borðsins borðanna

Bi de Verbe wird zwüsche starche und schwache Verbe underschyde. E baar Verbe schwanke zwüsche denne beide Gruppe. In de Konjugation sin di beide wichtigste Gruppe d a-Chlass und d i-Chlass. Abhängig vo de Chlass wird e Suffix aghänkt. Näbe de a- und de i-Chlass (au W4 und W3 gnännt) git s d Gruppe W1, wo im Präsens Plural und im Präteritum e „j“ bzw. „d“ vor d Ändig kriege.

Adjektiv werre noch Fall, Azahl und Gschlächt dekliniert. Im Plural sin d Ändige vom Dativ und em Genitiv yheitlig.[3]

Quelle und Amerchige[ändere | Quälltäxt bearbeite]

  1. http://www.eldey.de/Geschichte/Sprache/sprache.html
  2. Archivierte Kopie. Archiviert vom Original am 20. Juli 2008; abgruefen am 22. September 2008.
  3. meh zu de Adjektivdeklination au do.

Weblink[ändere | Quälltäxt bearbeite]

D Wikipedia uff Ysländisch
S Wiktionary uff Ysländisch — e freis Wörterbüech
Wikinews uff Ysländisch — Aktuälli Nochrichte
Wikisource uff Ysländisch — Quälletekscht
Wikibooks uff Ysländisch — Lern- und Lehrmaterialie

 Commons: Ysländischi Sproch – Sammlig vo Multimediadateie