FC Basel

FC Basel
Ganze Name	FC Basel 1893
Ort	Basel
Gründet	15. November 1893
Vereinsfarbe	rot-blau
Stadion	St. Jakob-Park
Plätz	38'512
Präsident	Bernhard Burgener
Trainer	Heiko Vogel (interim)
Homepage	www.fcb.ch
Liga	Raiffeisen Super League
2023/24	8. Rang
Heim Uuswärts

Dialäkt: Baseldütsch

Dr FC Basel isch e Verein vom schwizerische Fuessballverband SFV, wo z Basel dehei isch. Är schpylt momentan in dr Raiffeisen Super League, dr högschte Schwyzer Liga. S Johresbudget beträit öbbe 60 Millione Schwyzer Frangge.

Gschicht

Dr Verein isch am 15. Novämber 1893 als "Footballclub Basel" gründet worde.

Dr Veräin, wo vo de Fans "Eff Cee Bee" gnennt wird, het im 20. Joorhundert syni stärchschti Zyt in de 1960er und 1970er Johr gha mit im Ganze sibe Mäischtertitel und drei Pokalsig. In de 1980er Johr aber isch der FCB zymlig erfolglos gsi und het 1988 sogar müesse us dr Nationalliga A, dr ehemolige erschte Fuessball-Liga vo dr Schwyz, abstyge. Erscht 1994 isch er ins Oberhuus zruggkehrt.

Unter em Präsident René C. Jäggi isch dr gross Erfolg ins Schtadion "St.-Jakob-Park" zruggkho: 2002 het de Basler Verein s'Double mit Maischterschaft und Pokalsig gfyret. Druffabe isch em FCB als dr zwäite Schwyzer Fuessballmannschaft nach de Grasshoppers Züri, wo 1995 und 1996 an dr Champions League teilgno hän, d'Qualifikation zu de Champions League glunge. D'Basler hän drby überraschend d Zwüscherundi, wo unterdesse abgschafft worden isch, erräicht und hän unter anderem Celtic Glasgow und de FC Liverpool us em Wettbewärb gworfe.

2004 het dr FC Basel unter em Christian Gross dr 10. Maischtertitel scho vier Runde vor em Schluss gholt. In 36 Rundene hän si nur 3 Schpyl verlore. 2008 het er sin 12. Maischtertitel erscht im letschte Schpyl gholt. Doner 2008 au dr Cup gwunne hett, hett är s sogenannte "Double" gholt. 2010 het s mit em Trainer Thorsten Fink non emol e Double ge, wo dr FCB im Cupfinal gege Lausanne gwunne het und d Ligaspyl mit drei Pünggt Vorsprung vor YB Bärn beändet het. 2011 het dr FCB dr Maistertitel chöne verteidige.

Im August 2011 het d Bresidäntin Gisela Oeri iire Rückdritt zum Ändi vom Joor 2011 bekannt gee. Am 13. Oktober 2011 het dr Thorsten Fink si Verdraag mit em FC Basel glööst und isch zum Hamburger SV gange. Dr Assistänzdrääner Heiko Vogel het dr Dräänerdschob übernoo und dr FCB isch in dr Grubberunde vo dr Champions League Grubbezwäite worde mit eme Siig über Manchester United.

Am 15. Oktober 2012 isch dr Murat Yakin, wo sälber vo 2000 bis 2006 für e FCB gspiilt het, Drääner worde. Im April 2013 het sich dr FCB im Viertelfinal vom Europacup gege Tottenham Hotspur duuregsetzt, het denn aber im Halbfinal gege dr FC Chelsea bäidi Spiil verloore (1:2, 1:3), drfür aber churz druf wider d Schwizer Mäisterschaft gwunne.

In dr Säson 2013-14 het dr FC Baasel in dr UEFA Europa League 2013/14 gspiilt, gege e FC Salzburg gwunne und isch in Viertelfinal choo. Er het s Häimspiil gegen e FC Valencia 3:0 gwunne, uswärts aber 0:5 verloore und isch usgschiide. Dr Schwizer Göpfinal het dr FCB gegen e FC Züri 0:2 verloore, aber d Mäisterschaft mit siibe Pünkt vor em FC Grasshoppers gwunne. Am Ändi vo dr Seson isch dr Murat Yakin as Dreener entloo und dr Bordugiis Paulo Sousa aagstellt worde.

D Seson 2014-2015 isch für en FC Basel wider e groose Erfolg gsi. Er het d Mäisterschaft scho in dr drittletschte Runde gnoo und isch in dr Champions League bis in Achtelfinal cho, aber dr Göpfinal het er 0:3 gege Sion verloore. Dr Dreener Paulo Sousa het am Ändi vo dr Seson zum AC Floränz welle und dorum het d Clubläitig am 17. Juni 2015 bekannt gee, ass er wurd goo. Zu sim Noochfolger isch dr Urs Fischer ernennt worde.

Schtadion

Dr FC Basel schpylt sini Häimschpyl im "St. Jakob Park", wo vo de Lüt Joggeli gnennt wird. Es het e Fassigsvermöge vo guet 38'512 Sitzplätz, woby e Täil vo dr Oschtkurve ("Muttänzerkurve") by nationale Schpyl us Schtandplätz beschtoht. S'Schtadion isch zwüsche 1999 und 2001 vo de wältbekannte Architekte Herzog & de Meuron neu baut worde und isch momäntan s'gröschte Fuessballschtadion vo dr Schwyz. In dä Joohre 2006/2007 isch d'Kapazidät vom Joggeli vo 32'000 uf 38'512 erhöht worde, wobi me über em C-Sektor no än nöiä Sektor, dr Sektor G, anäbaut het.

Erfolg

In dr Schwiz

• 20 mol Schwyzermäischter: 1953, 1967, 1969, 1970, 1972, 1973, 1977, 1980, 2002, 2004, 2005, 2008, 2010, 2011, 2012, 2013, 2014, 2015, 2016, 2017
• 11 mol Cupsiiger: 1933, 1947, 1963, 1967, 1975, 2002, 2003, 2007, 2008, 2010, 2012, 2017, 2019
• 1 mol Liga-Cup Siiger: 1973
• 4 mol Alpe-Cup Siiger: 1969, 1970, 1981, 2003

Internazional

• Alpegöpsiiger: 1969, 1970, 1981
• Champions League: 2002 (Zwüscherundi), 2008, 2010 (Grubbefaase), 2011 (Achtelfinal), 2014 Grubbefaase, 2015 (Achtelfinal)
• UI-Cup: 2001 Final
• UEFA Europa League: 2012/13 Halbfinal, 2013/14: Viertelfinal

Die 1. Mannschaft

Stand: 1. Oktober 2018. Profispiiler vom FC Basel, wo an en andere Club usgleent si, wärde nit ufgfüert.

Nummere	Spiiler	Nazionalidäät	Im Veräin sit	Letschte Veräin
Gooli
21	Jonas Omlin	Schweiz	2018	FC Lozärn
35	Martin Hansen	Dänemark	2018	FC Ingolstadt 04
40	Signori António	Angola Schweiz	2018	CD Primeiro de Agosto
44	Jozef Pukaj	Schweiz	2018	Äigeni Jugend
Verteidigung
3	Konstantinos Dimitriou	Griechenland	2018	PAOK Thessaloniki
4	Eray Cömert	Schweiz Türkei	2016	Äigeni Jugend
5	Silvan Widmer	Schweiz	2018	Udinese Calcio
15	Blás Riveros	Paraguay	2016	Club Olimpia
17	Marek Suchý (C)	Tschechien	2014	Spartak Moskau
23	Éder Balanta	Kolumbien	2016	CA River Plate
25	Carlos Zambrano	Peru	2018	Dynamo Kiew
28	Raoul Petretta	Italien	2017	Äigeni Jugend
43	Yves Kaiser	Schweiz	2018	Äigeni Jugend
Middelfäld
6	Fabian Frei	Schweiz	2018	1. FSV Mainz 05
7	Luca Zuffi	Schweiz	2014	FC Thun
8	Zdravko Kuzmanović	Serbien Schweiz	2015	Inter Mailand
10	Samuele Campo	Schweiz Italien	2018	FC Lausanne-Sport
14	Valentin Stocker	Schweiz	2018	Hertha BSC Berlin
20	Serey Dié	Elfebeiküschte	2016	VfB Schduagert
26	Aldo Kalulu	Frankreich Demokratische Republik Kongo	2018	Olympique Lyon
33	Kevin Bua	Schweiz Spanien	2016	FC Züüri
34	Taulant Xhaka	Albanien Schweiz	2013	Grasshopper Club Züüri
36	Robin Huser	Schweiz	2018	FC Thun
Stürmer
9	Ricky van Wolfswinkel	Niederlande	2017	Vitesse Arnheim
11	Noah Okafor	Schweiz Nigeria	2018	Äigeni Jugend
18	Julian von Moos	Schweiz	2018	Grasshopper Club Züüri
19	Dimitri Oberlin	Schweiz Kamerun	2017	FC Red Bull Salzburg
22	Albian Ajeti	Schweiz Albanien	2017	FC Sanggalle
37	Afimico Pululu	Frankreich Angola	2014	Äigeni Jugend

Stab und Vorstand

Name, Vorname	Funkzion
Vorstand
Schweiz Bernhard Burgener	Bresidänt
Schweiz Marco Streller	Sportdiräkter
Dreenerstab
Schweiz Marcel Koller	Schef-Dreener
Osterreich Thomas Janeschitz	Co-Dreener
Argentinien Carlos Bernegger	Co-Dreener
Schweiz Mathieu Degrange	Konditions-Dreener
Schweiz Massimo Colomba	Goolidreener

Lüt

Presidänte

1893–1896 Roland Geldner 1896–1896 Emanuel Schiess 1896–1899 Charlie Volderauer 1900–1901 Ernst Alfred Thalmann 1901–1902 Emanuel Schiess 1902–1902 Ernst Alfred Thalmann 1902–1903 Josy Ebinger 1903–1907 Ernst Alfred Thalmann 1907–1908 Siegfried Pfeiffer 1908–1913 Ernst Alfred Thalmann 1913–1913 Karl Ibach 1913–1914 C. A. Hintermann 1914–1915 Ernst Alfred Thalmann 1915–1915 Philipp Leichner 1915–1918 Franz Rinderer 1918–1919 August Rossa 1919–1920 Bernard Klingelfuss 1920–1921 Franz Rinderer 1921–1922 Carl Burkhardt 1922–1925 Karl Ibach 1925–1926 Carl Burkhardt 1926–1927 Franz Rinderer 1927–1927 Karl Ibach

1927–1927 Karl Junker 1927–1929 Hans Rupprecht 1929–1931 Otto Kuhn 1931–1936 Franz Rinderer 1936–1939 Emil Junker 1939–1944 Albert Besse 1944–1946 Emil Junker 1946–1959 Jules Düblin 1959–1962 Ernst Weber 1962–1966 Lucien Schmidlin 1966–1970 Harry Thommen 1970–1976 Félix Musfeld 1976–1980 René Theler 1980–1982 Pierre Jacques Lieblich 1982–1983 Roland Rasi 1983–1986 Urs Gribi 1986–1987 Peter Max Sutter 1987–1992 Charles Röthlisberger 1992–1996 Peter Epting 1996–2002 René C. Jäggi 2002–2006 Werner Edelmann 2006–2011 Gisela Oeri 2012–2017 Bernhard Heusler syt 2017 Bernhard Burgener

Trainer

1913–1914 Percy Humphreys 1922–1923 Max Breunig 1928–1930 Julius Kertesz 1930–1931 Gustav Putzendopler 1932–1932 Otto Haftel 1932–1933 Karl Kurz 1934–1934 Josef Haist 1934–1934 Richard Dombi 1934–1935 Alvin Riemke 1936–1937 Heinrich Körner 1937–1939 Fernand Jaccard 1939–1939 Walter Dietrich 1939–1940 Max Galler 1940–1943 Eugen Rupf 1943–1944 Willy Wolf 1944–1946 Max Barras 1946–1947 Anton Schall 1947–1952 Ernst Hufschmid 1952–1955 Willy Dürr und René Bader 1955–1957 Bela Sarosi 1957–1958 Rudolf Strittich 1958–1959 René Bader 1959–1961 Jenő Vincze 1961–1965 Georges Sobotka 1965–1982 Helmut Benthaus

1982–1983 Rainer Ohlhauser 1983–1984 Ernst-August Künnecke 1985–1985 Emil Müller 1985–1987 Helmut Benthaus 1987–1989 Urs Siegenthaler (Juli–November) 1989–1992 Ernst-August Künnecke (November–Juli) 1992–1992 Bruno Rahmen und Karl Odermatt 1992–1993 Friedel Rausch 1993–1995 Claude «Didi» Andrey (Juli–Oktober) 1995–1995 Oldrich Svab (Oktober–November) 1995–1997 Karl Engel (November–März) 1997–1997 Heinz Hermann 1997–1997 Salvatore Andracchio 1997–1997 Jörg Berger (Juli–Oktober) 1997–1997 Salvatore Andracchio (Oktober–Dezember) 1997–1999 Guy Mathez (Dezember–Mai) 1999–1999 Marco Schällibaum (Mai–Juli) 1999–2009 Christian Gross 2009–2011 Thorsten Fink 2011–2012 Heiko Vogel 2012–2014 Murat Yakin 2014–2015 Paulo Sousa 2015–2017 Urs Fischer 2017–2018 Raphael Wicky syt 2018 Marcel Koller

Wyterfüehrendi Informatione

Weblink

• Informatione zum Schtadion
• Offizielli Website
• unabhängigs FCB Live Radio, Baaseldytsch
• FC Basel Forum

Biecher

• Josef Zindel: FC Basel – Emotionen in Rotblau. Opinio Verlag, Basel 2001 ISBN 3-03999-002-0