FC Basel
 |
|||||||||||||||||||||||||||||||||
| Gonzer Nôme | Footballclub Basel | ||||||||||||||||||||||||||||||||
| Spitzname(n) | FCB | ||||||||||||||||||||||||||||||||
| Gryndet | 15. November 1893 | ||||||||||||||||||||||||||||||||
| Stadion | St. Jakob-Park | ||||||||||||||||||||||||||||||||
| Plätz | 42'500 | ||||||||||||||||||||||||||||||||
| Präsident | Bernhard Heusler | ||||||||||||||||||||||||||||||||
| Trainer | Murat Yakin | ||||||||||||||||||||||||||||||||
| Manager | |||||||||||||||||||||||||||||||||
| Adress | Gellertstrasse 235 4052 Basel www.fcb.ch |
||||||||||||||||||||||||||||||||
| Liga | Axpo Super League | ||||||||||||||||||||||||||||||||
| 2000/01 2001/02 2002/03 2003/04 2004/05 2005/06 2006/07 2007/08 2008/09 2009/10 2010/11 2011/12 2012/13 |
4. Rang 1. Rang 2. Rang 1. Rang 1. Rang 2. Rang 2. Rang 1. Rang 3. Rang 1. Rang 1. Rang 1. Rang 1. Rang |
||||||||||||||||||||||||||||||||
|
|||||||||||||||||||||||||||||||||
| Dialäkt: Baseldütsch |
Dr FC Basel isch e Verein vom schwiizerische Fuessballverband SFV, wo z Basel dehei isch. Dr Verein isch am 15. Novämber 1893 als "Footballclub Basel" gründet worde. Är schpylt momentan in dr Super League, dr högschte Schwyzer Liga. S Johresbudget beträit öbbe 60 Millione Schwyzer Frangge.
Inhaltsverzeichnis |
Gschicht[ändere]
Dr Veräin, wo vo de Fans "Eff Cee Bee" gnennt wird, het syni stärchschti Zyt in de 1960er und 1970er Johr gha mit insgesamt sibe Mäischtertitel und drei Pokalsig. In de 1980er Johr aber isch der FCB zymlig erfolglos gsi und het 1988 sogar müesse us dr Nationalliga A, dr ehemolige erschte Fuessball-Liga vo dr Schwyz, abstyge. Erscht 1994 isch er ins Oberhuus zruggkehrt.
Unter em Präsident René C. Jäggi isch dr gross Erfolg ins Schtadion "St.-Jakob-Park" zruggkho: 2002 het de Basler Verein s'Double mit Maischterschaft und Pokalsig gfyret. Druffabe isch em FCB als dr zwäite Schwyzer Fuessballmannschaft nach de Grasshoppers Züri, wo 1995 und 1996 an dr Champions League teilgno hän, d'Qualifikation zu de Champions League glunge. D'Basler hän drby überraschend d Zwüscherundi, wo unterdesse abgschafft worden isch, erräicht und hän unter anderem Celtic Glasgow und de FC Liverpool us em Wettbewärb gworfe.
2004 het dr FC Basel unter em Christian Gross dr 10. Maischtertitel scho vier Runde vor em Schluss gholt. In 36 Rundene hän si nur 3 Schpyl verlore. 2008 het er sin 12. Maischtertitel erscht im letschte Schpyl gholt. Doner 2008 au dr Cup gwunne hett, hett är s sogenannte "Double" gholt. 2010 het s mit em Trainer Thorsten Fink non emol e Double ge, wo dr FCB im Cupfinal gege Lausanne gwunne het und d Ligaspyl mit drei Pünggt Vorsprung vor YB Bärn beändet het. 2011 het dr FCB dr Maistertitel chöne verteidige.
Im August 2011 het d Bresidäntin Gisela Oeri iire Rückdritt zum Ändi vom Joor 2011 bekannt gee. Am 13. Oktober 2011 het dr Thorsten Fink si Verdraag mit em FC Basel glööst und isch zum Hamburger SV gange. Dr Assistänzdrääner Heiko Vogel het dr Dräänerdschob übernoo und dr FCB isch in dr Grubberunde vo dr Champions League Grubbezwäite worde mit eme Siig über Manchester United.
Am 15. Oktober 2012 isch dr Murat Yakin, wo sälber vo 2000 bis 2006 für e FCB gspiilt het, Drääner worde. Im April 2013 het sich dr FCB im Viertelfinal vom Europacup gege Tottenham Hotspur duuregsetzt, het denn aber im Halbfinal gege dr FC Chelsea bäidi Spiil verloore (1:2, 1:3), drfür aber churz druf wider d Schwizer Mäisterschaft gwunne.
Schtadion[ändere]
Dr FC Basel schpylt sini Häimschpyl im "St. Jakob Park", wo vo de Lüt Joggeli gnennt wird. Es het e Fassigsvermöge vo guet 42'000 Sitzplätz, woby e Täil vo de Oschtkurve ("Muttänzerkurve") by nationale Schpyl us Schtohplätz beschtoht. S'Schtadion isch zwüsche 1999 und 2001 vo de wältbekannte Architekte Herzog & de Meuron neu baut worde und isch s'gröschte Fuessballschtadion vo dr Schwyz. E dem Joohr eschs Stadion vo 32`000 of 42`000 Plätz usbaut worde.
Erfolg[ändere]
In dr Schwiz[ändere]
- 16 mol Schwyzermäischter: 1953, 1967, 1969, 1970, 1972, 1973, 1977, 1980, 2002, 2004, 2005, 2008, 2010, 2011, 2012, 2013
- 11 mol Cupsiiger: 1933, 1947, 1963, 1967, 1975, 2002, 2003, 2007, 2008, 2010, 2012
- 1 mol Liga-Cup Siiger: 1973
- 4 mol Alpe-Cup Siiger: 1969, 1970, 1981, 2003
Internazional[ändere]
- Alpegöpsiiger: 1969, 1970, 1981
- Champions League: 2002 (Zwüscherundi), 2008, 2010 (Grubbefaase), 2011 (Achtelfinal)
- UI-Cup-Finalist: 2001
- UEFA Europa League-Halbfinalist: 2013
Die 1. Mannschaft 2012/13[ändere]
Stand: 20. Merz 2013. Profispiiler vom FC Basel, wo an en andere Club usgleent si, si nit ufgfüert.
Wyterfüehrendi Informatione[ändere]
Weblink[ändere]
Einzelnochwiis[ändere]
Biecher[ändere]
- Josef Zindel: FC Basel – Emotionen in Rotblau. Opinio Verlag, Basel 2001 ISBN 3-03999-002-0
