Denggadårf
| Wappa | Deitschlandkart | |
|---|---|---|
|
| |
| Basisdata | ||
| Bundesland: | Bade-Wirttebärg | |
| Regierongsbezirk: | Stuegert | |
| Landkroes: | Esslenga | |
| Heh: | 291 m i. NHN | |
| Fläch: | 13,1 km² | |
| Eiwohner: |
11.303 (31. Dez. 2022)[1] | |
| Bevelkerongsdicht: | 865 Eiwohner je km² | |
| Boschtloetzahl: | 73770 | |
| Vorwahl: | 0711 | |
| Kfz-Kennzoeche: | ES | |
| Gmoedsschlissel: | 08 1 16 015 | |
| Adress vo dr Gmoedsverwaltong: |
Furtstraße 1 73770 Denkendorf | |
| Webpräsenz: | ||
| Schuldes: | Peter Jahn | |
| Lag vo de Gmoed Denkendorf em Landkroes Esslenga | ||
 | ||
| Dialäkt: Zentralschwäbisch |
Denggadårf (so em Fläggadialäggd gsprocha; dt. Denkendorf) isch a Gmaende em Landgraes Essleng en Bada-Wirddaberg.
Geografi
[ändere | Quälltäxt bearbeite]Denggadårf isch bis ănna 1950 am Rand vo dor Fildor am sidlicha Hang zom Kerschdaal gläaga. Nåch-m zwåeda Wäldgriag isch dor Flägga schdarg nuffgwaggsa uff d Fildorhochfleche.
Nåchborgmaendena send Essleng em Norda, Deizisao em Nordoschda, Kengga em Oschda, Ondereseng em Sida, Nuihausa em Weschda ond Oschdfildra em Nordweschda (älle em Landgraes Essleng).
D Gmarkong sezzd sich zsẽma aus 22,1 % Landwirtschaftsfleche, 20 % Wald, 12,5 % Sidlongsfleche ond 0,7 % sonschdichor Fleche.
Gmaendeglidorong
[ändere | Quälltäxt bearbeite]Zo Denggadårf ghaerd dor Flägga sälbor, dor Spieth-Hof, dor Hangedor Hof, d Daalmiile ond d Friedrichsmiile.
Fläggagschiichd
[ändere | Quälltäxt bearbeite]
Denggadårf wird zom aerschda Mål ǎnna 1129 erwehnd. D Gschiichd vom Flägga isch emmor mid-m Glaoschdor Denggadårf vorbonda gwäa. D Oborhohaed ibor dor Flägga hådd abor emmer s Herzogtum Wirddaberg gheed. Vo 1950 bis 1990 isch d Ãzahl vo de Aewohnor vo äbbes ibor 2.500 uff ibor 10.000 gschdiiga.
En dor aersda Hälfde vom 20. Jårhondord hend on Haufa Denggadårfor dor Beruf vom Mauror gheed. Se hend zmaesd z Sduagord odor z Essleng baud, weil-s då mid dor Indusdrialisirong enorm viil zom baua gäa hådd. Ǎlloe zwåe vo de "tobb tenn" vo de deidsche Baufirma ganged uff Denggadårfor Grindor zrugg: D Firma Gottlob Rommel und d Firma Wolff & Müller, dui må bis haed ire Ferdichheisor en Denggadårf härsdelld.
Schdråßa ond Nãma
[ändere | Quälltäxt bearbeite]D Ondorschiid zwischa de alde Dialäggd-Nãma fir Schdråßa ond Blätz ond de haediche offizielle Nāma send zom Dåel erheblich:
| Offizielle Nãma | Dialäggd-Nãma |
|---|---|
| Furtstraße | Furgass |
| Hintere Gasse | Hendorgass ['hendǒrgas] |
| Eichersteige | Åechorschdåeg |
| Schäfersteige | Schdåeg |
| Kapellenstraße | Em Käppele |
| Friedrichstraße | Nui Schdråß |
| Erlachsee | Sae |
| Kloster | Glaoschdor |
| Sulzbachtalviadukt | S graoße Viadukt [fia'dugd] |
| Körsch | Dor Bach |
Politik ond Vorwaldong
[ändere | Quälltäxt bearbeite]Denggadårf ghaerd zo koenora Verwaldongsgmaenschaft.
Birgermåeschdor isch dor Peter Jahn.
Wahla
[ändere | Quälltäxt bearbeite]Ergäbnis vo de Landdagswahla seid 2006:[2]
| Jahr | CDU | D Gräane | SPD | FDP | D Lengge1 | AfD | Sonschdiche |
| 2016 | 30,8 % | 30,9 % | 15,5 % | 5 % | 1,5 % | 12,9 % | 3,3 % |
| 2011 | 40,1 % | 24,2 % | 25,9 % | 3,3 % | 1,3 % | 5,2 % | |
| 2006 | 44,7 % | 8,3 % | 32 % | 8,9 % | 1,9 % | 4,3 % |
1 2006: WASG, seid 2011: Die Linke
Dialäggd
[ändere | Quälltäxt bearbeite]Dor Dialäggd vo Denggadårf ghaerd zom Middlschwäbischa.
Däar Ardiggl då isch gschriiba en demm Dialäggd, denn må mor vår dor Vorhochdeidschifizirong z Denggadårf gschwäzzd hådd. Dia Buachsdaba, dia må-s em Haochdeidscha edd geid (å, ã, ẽ, õ) sdammed vo andore eiropäische Schriftsbråcha.
Weblink
[ändere | Quälltäxt bearbeite]
Commons: Denkendorf (Württemberg) – Sammlig vo MultimediadateieFuaßnot
[ändere | Quälltäxt bearbeite]- ↑ Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).
- ↑ Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)
