Angelia Schwaller
D Angelia Maria Schwaller (* 28. Ougschte 1987 z Überschtòrf) isch e Mundartdichtere usem Kanton Fryburg.
s Läbe und s Schaffe
[ändere | Quälltäxt bearbeite]Si isch z Überschtòrf im Seisabezirk ufgwachse und het z Fryburg d Middelschuel bsuecht. Ane 2007 het si für d Maturprüefig en Arbet zumene Thema vo dr düütsche Lyrik gschribe. Wo si ane 2010 dr Bachelor a dr Uni Bärn gmacht het, isch si bim Zytglogge Verlag als Lektorin agstellt worde.
Ane 2014 het si s Studium a dr Uni Bärn mid em Masterdiplom abgschlosse. Si het als Bearbeiterin vom Nachlass vom Mani Matter gschaffet.
Sid em Joor 2011 könnt me d Angelia Schwaller als Dichtere. Am Afang het si iry Gedicht im Standarddütsch verfasst und derno i dr Mundart; früechi Tegscht sind im Internet publiziert gsi.
D Angelia Schwaller het dr Schrybweppewärb vo de Literaturtääg z Thun gwunne, isch i dr Radiosändig Schnabelweid vom 8. Septämber 2011 vorgsteut worde[1] und het e Pryys vo dr Hermann Elsner-Stiftig übercho. Us irem Wärch het si im Kanton Fryburg, z Münche, z Basel z Soledurn, z Züri amenen Aalass vom Verein Schyzerdütsch und a andernen Oorte Gedicht vorgläse, wo si im Seislerdüütsch und deils au uf Französisch schrybt.[2]
Sid 2018 isch si im Vorstand vom Verein Kultur Natur Deutschfreiburg, wo ane 2017 entstanden isch.[3]
Wärch (en Uuswahl)
[ändere | Quälltäxt bearbeite]- Dachbettzyt. 2012. ISBN 978-3-905848-58-8
- Mundartgedicht in: Freiburgerdeutsch. 2009.
- Mundartgedicht in: wortgestöber. 2005.
- Gedicht in: Frankfurter Bibliothek des zeitgenössischen Gedichts. 2011.
Kwelle
[ändere | Quälltäxt bearbeite]Fuessnoote
[ändere | Quälltäxt bearbeite]- ↑ Neue Dichter braucht das Land uf srf.ch
- ↑ Uuftritt vo 2006 bis 2018 uf angeliaschwaller.ch (abgrüeft am 2. Mai 2018)
- ↑ Verein Kultur Natur Deutschfreiburg KuND (Memento vom 4. Augschte 2018 im Internet Archive) uf kund.ch (abgrüeft am 2. Mai 2018)