Polizey

Us der alemannische Wikipedia, der freie Dialäkt-Enzyklopedy
Dialäkt: Vorarlbärgisch
An Polizist vo da Hamburger Polizei

D Polizey isch a Exekutivorgan vo nam Staat wo fürd Ufrechterhaltung vo Recht und Ordnung und fürd Strofverfolgung zuaständig isch. In mancha Ländr isch d Polizey ou fürd Überwachung vum Stroßavrkehr zuaständig. Polizista, dia vom Staat agstellt worra siand zum mit bsundriga Reachte dia Maßnahma durchsetza, heand meistens a spezielle Usbildung kriegt und heand in da meista Ländr durch ihre Bstellung zum Polizeybeamte ou a bsundrige Amtsstellung.

Polizeyeinheita uf dr ganza Wealt sind mituntr komplett verschieda usbildat und usgstattat. Gmeinsam heand se alle, dass se meistens bwaffnet siand und vom Staat mit speziella Reacht und Pflicht usgstattet worra siand. Zu deana Reacht ghört ou, dass Polizista mit Hilfe vo Gwalt gegs Bürgr vorgoh dürfan wenns nid andersch goht. Sie üaband dodamit s staatliche Gwaltmonopol us. Igsetzt würd dia Gwalt abr in dr Regl nur dänn, wenn andre Bürger, dr Polizist seal oder (abstrakt denkt) dr Staat in Gfohr siand, was juristisch gseaha an sognannta Reachtsgüatrschutz dorstellt. Welle Reachtsgüatr gnau unter speziella Schutz durch'd Polizey gstellt siand und was dia sus no für Ufgaba heat isch vo Staat zu Staat undrschiedlich.

I dr Schwiiz und in Dütschland siand Polizeyanglegaheita Sach vo da Kanton beziehungswis da Ländr. Z Östriich und im Liechtastua gits jeweils nur ua Polizey, dia füra ganze Staat zuaständig isch.

Weblinks[ändere | Quälltäxt bearbeite]

 Commons: Polizey – Sammlig vo Multimediadateie