Winterdräffe 2017

Di bishärigi Diskussion findsch uf em Stammtisch.

Termiin: Sunntig, 12. Merz, ab em Nomittag am 1.

Ort: Altes Schloss, Schillerplatz 6, D-70173 Stuegert.

Bsuechsprogramm

Bi dem Träffe bsuechemer d Sonderusstellig Die Schwaben - zwischen Mythos & Marke im Landesmuseum Württebärg. Wie mer da gseht, het das Museum im Alte Schloss scho mal Wikipedianer z Gast gha. Mier hoffed drum au, dass Lüüt us Stuegert und Umgäbig, wo hauptsächlich i de dütsche Wikipedia aktiv sind, zu dem Träffe chönnted cho.

D Sonderusstellig verspricht "das volle Programm", also öppe 2000 Jahr Kulturgschicht us Schwobe und de vier Metropole Stuegert, Ulm, Konstanz und Augsburg. Dezue ghört natürli au de schwöbischi Dialäkt. De Ytrittsprys vo 13 Euro isch inkl. Audioguide für d Usstellig und isch im ganze Museum gültig.

Nach dr Uusstellig chönd die, wu no lenger de Zyt hend, no zäme öppis go ässe. --Pakeha (Diskussion) 17:25, 7. Feb. 2017 (MEZ)[Antwort gee]

PS: Zum no meh vo de Stadt z gseh, wird ich am Vortag aareise und wahrschinli dur de Schlossgarte Richtig Wilhelma und nachhär no is Mineralbad Leuze gah. --Pakeha (Diskussion) 17:34, 7. Feb. 2017 (MEZ)[Antwort gee]

Protokoll

Mir sin im Landesmuseum im Alte Schloss z Stuegert gsii. Derby gsii sin dr Pakeha, dr H. Sellmoene, dr Giftzwerg 88 un dr Holder. Speter (no dr Uusstellig) isch au no dr Henri Berger derzue chuu.

Dert hämer is vum Dodokay dur d Uusstellig „Die Schwaben. Zwischen Mythos und Marke“ fiere loo. Mir hän dr Dresdner Schiller im Orginal gsää, verschideni Forme chänne glehrt, wie mer Spätzli cha mache, hän dr Friedrich Babarossa in dr Welfechronik derfe bschaue un hän erfahre, ass „Zürich in Schwaben“ langi Zyt e normali Formulierig gsii isch.

Derno simer no me churze Abstächer in d Stiftskirch no in s „Sophie's Brauhaus“ un hän dert ebis gässe un drunke. Mir hän is unterhalte iber Schwobe un Schwebisch un di alt Diskussion, was isch rächte Dialäkt un wie soll mer e schrybe, wider emol ufgriffe un an Byschpel us em Schwebisch wyter dischpetiert. --Holder (Diskussion) 21:08, 12. Mär. 2017 (MEZ)[Antwort gee]