Wikipedia Diskussion:Treffen der Wikipedianer/Wintertreffen 2017

Hallo mitnander, dui wirklich sehenswerda Ausstellong han i scho em November 2016 gseha. Drom werd i zo eich stoßa, wenn eier Bsuach beendet ischt. I sott halt wissa, mo mr sich do trifft ond om welcha Uhrzeit des voraussichtlich dr Fall ischt. Gruaß --Henri Berger (Diskussion) 16:42, 10. Feb. 2017 (MEZ)

Nomol hallo mitnander! Noch-ra langa Zeit han-e heit amol wiider mit meira Frau an Bumml durch d Stuegerter Innastadt gmacht. Dobei semmer am Alda Schloss vorbeikomma, ond i han meine Auga et traut, was deet fir a riisiga Menscha-Schlang gstanda ischt, wo en d Schwoba-Ausstellong hot wella. Dui Schlang hot da ganza Innahof ausgfillt ond hot naus bis zom Schillerplatz greicht. I schätz amol, dass d Wardezeit ogfähr a Stond dauret hot. Dees will i euch bloß zom Bedenka geaba. (I selber han dui Ausstellong ama normala Wochadag bsuecht ghet, ond do isch dr Andrang et arg groß gwäa. Allerdengs isch des noh en dr Ofangszeit vo dr Ausstellong gwäa.) Viile Griaß, --Henri Berger (Diskussion) 17:17, 12. Feb. 2017 (MEZ)

E Stund warte diemer sicher nit, villicht git s jo anderi Megligkaite iber WMDE (lueg die Diskussion uf de:wp). Ich dänk, mer dräffen is villicht ab 15:00 Uhr, oder isch des z churz fir d Uusstellig? No ender ab 16:00 Uhr? Was maine Ihr, Pakeha, H. Sellmoene un Henri Berger. Chentsch du wider naime ebis reserviere, Henri Berger? --Holder (Diskussion) 12:36, 7. Mär. 2017 (MEZ)

Grüezi mitnander! Am ledschda Wochenende han-e-mr a starka Erkeldong eigfanga, sodass-e dagsiber zorzeit meischdens bloß uff-em Sofa romstrack ond Radio heer. Drom ko-ne eich au et vorsprecha, dass-e am nägschda Sonndich zom Treffa komma koo. Reserviira kennt doch desmol dr H. Sellmoene, zomal dr sell des Treffa vorgschlaga hot, au en dr Nähe vo Stuegert wohnt ond sich offasichtlich guat en dera Stadt auskennt. (Wia i dui Ausstellong bsuecht han, han-e knabb zwoi Stond dren vorbrocht.) Gruaß --Henri Berger (Diskussion) 11:49, 8. Mär. 2017 (MEZ)

Also i hoff mål edda, dass dees a ganza Sdond zomm waarda geid. I wär zemmlich gnao emm Oese am Aegang vomm Museom (wenn d S-Bã ir Zeid aehäld). Wenn-s a Wäddor wia haed isch, nå haon-e on glaena Rägaboga-Rägaschirm dorbei. Nå siid-mor glei, må i sdand. Altornativ setz-e a schwarz-dongglgrina Schildkabb uff, uff dära må Fetzer-Neuwieshof druffsdåd. Ond wenn-mor z´lang waarda miasded, nå däd-s jå am Schlossblatz ao s´oene odor s´andore scheene Café gäa. Då kennd dor Henri Berger sichor äbbes. I glaob, am Matrial zom Schwäzza däd´s edd fäla. (Persenligi Info glescht. --Holder (Diskussion) 05:37, 9. Mär. 2017 (MEZ)). --H. Sellmoene (Diskussion) 19:27, 8. Mär. 2017 (MEZ)

H. Sellmoene, dyni Delifonnummere haan i glescht, songigi persenlige Informatione sot mer besser nit in d Wikipedia schrybe. Mer findet si jo no in dr Versionsgschicht. Fir ass mer is schnäller finde, haan i dir no ne Mail gschribe.

Henri Berger, no deet i sage, mer dräffen is vor em Schloss ab 15:30 Uhr. --Holder (Diskussion) 05:37, 9. Mär. 2017 (MEZ)

Falls es mit meiner Erkeldong bis am Sonndich a bissle besser wird, werd i am halber viire em Innahof vom Alda Schloss oozotreffa sei. Eich wensche viil Spass beim Bsuech vo dr Ausstellong. Scheene Griaß --Henri Berger (Diskussion) 10:54, 10. Mär. 2017 (MEZ)

Uf jede Fall wünsch ich dier Gueti Besserig! Ich freu mich uf de Museumsbsuech und s Träffe. Scho am halbi Sibni muess ich denn aber gleitig de Zug hei näh. --Pakeha (Diskussion) 11:24, 10. Mär. 2017 (MEZ)