Werner O. Feißt

Us der alemannische Wikipedia, der freie Dialäkt-Enzyklopedy

Dr Werner Otto Feißt (* 8. Juli 1929 z Fryburg; † 28. April 2006 z Baasel) isch e dytsche Fäärnsehmoderator, Fäärnsehschurnalischt, Fäärnsehproduzänt un Buechautor gsii. Är het as Pionier vum dytsche Bildigsfäärnseh gulte un isch Mitgrinder vu dr Rootgeeber- un Chochsändig Was die Großmutter noch wusste gsii.

Leben[ändere | Quälltäxt bearbeite]

Sy Vater isch Buechdruckermaischter gsii. sy Mueter e Doochter vun eme Bäärgbuur us em Häxedaal. Noch em Abitur het dr Feißt uf Lehramt an dr Pedagogische Akademy Löörech studiert un di eerscht un zwoot Dienschtbriefig fir Lehrer abglait. Är het as Volksschuellehrer z Fryburg, z Santjerge z Schälinge un z Oberbärge unterrichtet. Derno het e nomol studiert, nämli Filosofy, Pedgoogik, Chunschtgschiicht un Volkskund an dr Uniwersiteet Fryburg

Dr Feißt het bim Alemannische Kabarett mit e Anton Zink mitgmachrt un isch zeh Johr lang Laiter vu dr Fryburger Gheerloose-Bihni gsii. Dernääbe het er s Info-Blatt „d'r Suflörkaschte“ uusegee.

Anne 1959 het er bim Sidweschtfunk (SWF) z Baade-Baade as freie Mitarbaiter aagfange un het e Volontariat gmacht. Ab 1961 het er bim SWF as Fäärnsehredakter gschafft. Är het Draibiecher gschriibe un isch Redakter in dr Sändelaitig vum SWF-Fäärnseh gsii uch speeter stellverdrättende Abdailigslaiter Kultur. Ab 1968 het dr Feißt s Bildigsfäärnseh vum SWF ufböue mit Sänderaie wie Telekolleg, Schulfernsehen, Funkkolleg un verschiidene Kursbrogramm. Anne 1969 isch er schließli Hauptabdailigslaiter im Uusbildigs- un Familiebrogramm woore.

Dr Feißt isch Autor vu Film zue dr unterschiidligschte Theeme gsii, unter anderem Chunschtgschiicht, Zytgschiicht, Landeskund, Griecheland, Mythe un Saage, Volkskund. Är het Film iber s Johanneschlooschter uf dr griechische Insle Patmos un s Katharinechlooschter uf em Sinai gmacht un dr Film 1.000 Jahre sind wie ein Tag - der heilige Berg Athos, wu dr Feißt sälber as Hegschtpunkt vu sym Fäärnsehschaffe aagsää het. As Produzänt het er verschiideni Fäärnsehraie gmacht, unter anderem Warum Christen glauben, Christsein im Alltag, Das notwendige Tun (iiber d Diakony), Glauben aus dem Herzen (iiber d Orthodoxy), Alles Alltag un Partnerschaft.

Anne 1982 het dr Werner O. Feißt d Choch- un Huushaltsrootgeebersändig Was die Großmutter noch wusste entwicklet, wu all Wuche im SWR Fäärnseh (friejer: Südwest 3 un Südwest Fernsehen) uusgstrahlt wooren isch. Är het si au moderiert, zäme mit dr Schwyzeri Kathrin Rüegg. Die Sändig isch zimli populeer gsii un giltet as die Chochsändig, wu im dytsch Fäärnseh am lengschte glofen isch. Au no syre Pänsionierig anne 1995 het er d Sändig alsfuurt moderiert mit dr Rüegg, bis zue sym Dood.

Dernääbe het au no anderi Sändige moderiert, unter anderem Verzehl mir e Gschicht oder Geschichten aus unserem Land. Derzue isch er au as Schauspiiler in verschiidene Fäärnsehserie vum SWF/SWR ufdrätte.

Dr Feißt het au Biecher gschriibe un uusegee unter anderem zäme mnit dr Kathrin Rüeg e Buechraie zue dr Sändig Was die Großmutter noch wußte Anderi Biecher het err gschriibe iber dr Alexander von Humboldt, s Markgreeflerland un verschiideni Chochbiecher. Unter em Titel Im Seppli si Stern het er alemannischi Wynäächtsgschiichte uusegee.

S Alemannisch un au anderi Dialäkt het dr Feißt au im Fäärnseh gfeerderet, unter anderem het er in Fäärnsehsändige reegelmääßig Dialäktautor*ne un -sänger*ne yyglaade, wie zem Byschpel dr Elsässer René Egles oder d Kurpfälzeri Joana.

Dr Feißt het verschiideni Bryys un Ehrige iiberchuu, unter s Ritterchryz mit Chroone vum orthodoxe Patriarchaat Jerusalem un d Ehremedaille vu dr Frynd vum Volk Athen. Derzu isch er Ritter vum Pääpschtlige Silveschteroorde gsii. Fir sy Engaschmänt fir s Alemannisch het er anne 1986 d Alemanne-Antänne in Gold vu dr Muettersproch-Gsellschaft Fryburg kriegt un 1993 dr „Hebeldank“ vum Hebelbund Löörech.

Dr Werner O. Feißt isch ghyroote gsii un Vater vu zwoo Deechtere. Am 28. April 2006 isch dr Feißt im Alter vu 76 Johr gstoorbe. Dr Fäärnsehdiräkter vun SWR, dr Bernhard Nellessen, het en gwiirdigt mit dr Wort:

„Mit seinem ungeheuren Wissen, seiner temperamentvollen Art und prallen Lebensfreude hat Werner O. Feißt die Kultur- und Bildungsprogramme des SWR wesentlich geprägt und bereichert.“

Nooruef vum SWR, 30.04.2006

Wäärch[ändere | Quälltäxt bearbeite]

Fäärnsehprodukzioone[ändere | Quälltäxt bearbeite]

  • Warum Christen glauben (Fäärnsehraie)
  • Christsein im Alltag (Fäärnsehraie)
  • Was die Großmutter noch wusste. (1982–2006 im Sidwescht Fäärnseh)
  • Werner O. Feißt: Tausend Jahre sind wie ein Tag: Mönche des Heiligen Berges Athos. Calwer, Stuttgart 1984, ISBN 3-7668-0974-1.
  • Werner O. Feißt: Bibliotheca Palatina: die Geschichte der berühmten deutschen Büchersammlung. Calwer, Stuttgart 1987, ISBN 3-7668-0882-6.
  • Werner O. Feißt (Hrsg.): Diakonie – Das notwendige Tun. Calwer, Stuttgart 2002, ISBN 3-7668-3803-2 (Fäärnsehraie zum Thema Diakony)
  • Glauben aus dem Herzen (Fäärnsehraie iber dr Glaube vu dr Orthodoxy)
  • Alles Alltag (Fäärnsehraie)
  • Partnerschaft (Fäärnsehraie)
  • Blut und Ehre – Jugend unter Hitler (Fäärnsehraie)

Filmografy as Daarsteller[ändere | Quälltäxt bearbeite]

  • 1972: Tatort – Wenn Steine sprechen
  • 1975: Tatort – Tod eines Einbrechers
  • 1976: Tatort – Kassensturz
  • 1977: Tatort – Finderlohn
  • 1980: Die Leute vom Domplatz

Biecher[ändere | Quälltäxt bearbeite]

  • Wer war Alexander von Humboldt?
  • Im Seppli si Stern. Wienachtsgschichte us em Alemannische. Mit Illustrationen. Welleweg-Verlag, Baden-Baden 1980
  • Was vor den Festtagen so gut schmeckt. (griechischs Faschtechochbuech)
  • Werner O. Feißt, Annette Wackershauser: Baden – Kulinarische Streifzüge. Sigloch Edition, Künzelsau 1992, ISBN 3-89393-075-2.
  • Werner O. Feist: Die Wallfahrt zum Heiligen Rock. Ein Begleitbuch für Pilger. Paulinus-Verlag, Trier 1996, ISBN 3-7902-0163-4.
  • D Buechraie Was die Grossmutter noch wusste in Zämenaarbet mit dr Kathrin Rüegg isch im Verlag Müller Rüschlikon (Zürich, Stuttgart, Wien) uusechuu:
    • Band 1: Was die Großmutter noch wusste: Gesunde und natürliche Haushaltsmethoden und -weisheiten. 1984, ISBN 3-275-00838-2.
    • Band 2: Was die Großmutter noch wusste: Als die Großmutter noch jung war. 1985, ISBN 3-275-00868-4.
    • Band 3: Was die Großmutter noch wusste: Vom Apfel bis zur Zwiebel. 1987, ISBN 3-275-00912-5.
    • Band 4: Was die Großmutter noch wusste: Essen wie damals. 1988, ISBN 3-275-00947-8.
    • Band 5: Was die Großmutter noch wusste: Winterrezepte und Geschichten. 1993, ISBN 3-275-01072-7.
    • Band 6: Was die Großmutter noch wusste: Gemüse nach Großmutterart: Rezepte und Geschichten. 1994, ISBN 3-275-01104-9.
    • Band 7: Was die Großmutter noch wusste: Großmutters Küche zwischen Elsass und Engadin. 1996, ISBN 3-275-01190-1.
    • Band 8: Was die Großmutter noch wusste: Großmutters Mittelmeer-Küche: kochen wie im Urlaub.1997 ISBN 3-275-01218-5.
    • Band 9: Was die Großmutter noch wusste: Großmutters Kräuterküche. 1997, ISBN 3-275-01248-7.
    • Band 10: Was die Großmutter noch wusste: Gewürze von Anis bis Zimt. ISBN 3-275-01283-5.
    • Band 11: Was die Großmutter noch wusste: Gute Küche ohne Fleisch. 1999, ISBN 3-275-01320-3.
    • Band 12: Was die Großmutter noch wusste: Zu Gast bei Kathrin und Werner. 2000, ISBN 3-275-01349-1.
    • Band 13: Was die Großmutter noch wusste: Einfache Küche von Kathrin und Werner. 2001, ISBN 3-275-01402-1.
    • Band 14: Was die Großmutter noch wusste: Kathrin, Werner und die Schweizer Küche. 2002, ISBN 3-275-01448-X.
    • Band 15: Was die Großmutter noch wusste: Kathrin, Werner und die ländliche Küche. 2003, ISBN 3-275-01483-8.
    • Band 16: Was die Großmutter noch wusste: Backen. 2004. ISBN 3-275-01512-5.
    • Sunderuusgaab: Was die Großmutter noch wusste: Hinter den Kulissen / Kein Tag wie der andere: Abenteuer bei der Fernseharbeit. 1990, ISBN 3-275-00996-6.
    • Sunderuusgaab: Was die Großmutter noch wusste: Großmutters immerwährender Kalender. 1997, ISBN 3-275-01234-7.
    • Jubiläumsuusgaab: Was die Großmutter noch wusste: Die besten Geschichten und Rezepte aus Großmutters Küche. 1996, ISBN 3-275-01219-3.
    • Jubiläumsuusgaab: Was die Großmutter noch wusste: Das Beste von Kathrin und Werner: ihre liebsten Rezepte und Geschichten aus 20 Jahren „Was die Großmutter noch wusste“. 2002 ISBN 3-275-01418-8.

Ehrige un Uuszaichnige[ändere | Quälltäxt bearbeite]

  • Ritterchryz mit Chroone vum orthodoxe Patriarchaat Jerusalem
  • Groß Chryz vu dr orthodoxe Metropoly vu Dytschland
  • Alemanne-Antänne in Gold vu dr Muettersproch-Gsellschaft Fryburg (1986)
  • Peter-Wust-Bryys vu dr Theoloogische Fakulteet Trier un dr Peter-Wust-Gsellschaft (1992)
  • Hebeldank vum Hebelbund Löörech (1993)
  • Ritter vum Pääpschtlige Silveschteroorde[1] (1994)
  • Dytsch-Franzeesische Kulturbryys vu dr Stadt Raschti (1995)
  • Ehremedaille vu dr Frynd vum Volk Athen (1996)

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Acta Apostolicae Sedis 87 (1995), n. 3, p. 336.