Vertrag vo Meerse

Us der alemannische Wikipedia, der freie Dialäkt-Enzyklopedy
D Riichsdeilig noch em Vertrag vo Meerse

Dr Vertrag vo Meerse isch am 8. August 870 z Meersse bi Maastricht in dr hütige holländische Provinz Limburg abgschlosse worde.

Im Verdrag isch s Erb vom fränkische König Lothar II. wo ane 869 z Piacenza gstorben isch, nämlig s Rych Lotharinge, zwüschen em Karl em Kahle und em Ludwig II. em Dütsche ufdeilt worde. Dr Karl het dr südwestlig Deil und dr Ludwig die nordöstligi Helfti übercho.

D Drennigslinie isch öbbe de Flüss Maas, Ourthe, Mosel, Marne, und Saône noch verloffe und denn dur s Juragebirg ggange. Dodrmit si die politisch und wirtschaftlig wichtige Stedt und Gebiet Aache, Holland, s Elsass und s alemannische Gebiet bis zu de Voralpe mit Züri an s spötere Heilige Römische Riich gfalle.

Dr Verdrag isch für die spöteri politischi Entwicklig vo Frankriich und Dütschland vo grosser Bedütig gsi. Lothringe und s Elsass si bis zum Ändi vom Zweite Wältchrieg umstritteni Gebiet bliibe.

In welem Gebäud dr Verdrag vo Meerse abgschlosse oder underschriibe worden isch, weiss me nit, wil s keini urkundligi und archäologischi Date drüber git.

Lueg au[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Vertrag_von_Meersen“ vu de dütsche Wikipedia. E Liste vu de Autore un Versione isch do z finde.