Vertrag von Ribemont

Us der alemannische Wikipedia, der freie Dialäkt-Enzyklopedy
Hops zue: Navigation, Suech
D Gränze zwüschen em West- und em Ostfrankeriich noch em Verdrag vo Ribemont

Die letzt Deilig vom Frankeriich isch 880 mit em Vertrag vo Ribemont besiiglet worde. E wichdige Punggt im Verdrag isch gsi, dass jetzt au dr Westdeil vo Lotharingie an s Ostfrankeriich gfallen isch. Die Gränze zwüschen em West- und em Ostriich isch praktisch unveränderet bliibe bis in s Spotmittelalter.

Zum Verdrag isch s cho, wil im Johr 879 dr ostfränkisch Ludwig III. dr Jüngeri sich für e Chrieg gege dr westfränkisch Louis III. und si Brueder Karlmann II. vorbereitet het, wo die mit verschiidene Problem z kämpfe gha hai. Zum einte het sich e Nitkarolinger, dr Boso vo Vienne, zum König vo Burgund lo usrüefe, zum andere hai d Wikinger wider agfange im Land iizfalle. So hai sich die westfränkische Brüeder mit em Ludwig em Jüngere z Ribemont droffe und ihm dä Deil vo Lotharingie ge, wo si im Verdrag vo Meerse übercho hai. Dr Ludwig het versproche, sich ruehig z verhalte, und dr Louis und dr Karlmann hai sich mit em Boso chönne usenandersetze.

Früehneri fränkischi Riichsdeilige:

Dä Artikel basiert uff ere fräie Übersetzig vum Artikel „Traité_de_Ribemont“ vu de franzeesische Wikipedia.

E Liste vu de Autore un Versione isch do z finde.