D Deilig vo Prüm

Im Johr 843 isch s fränkische Riich im Verdrag vo Verdun in drei Deil iideilt worde. Dr Lothar I. het s Mittelriich, s Lotharii Regnum, übercho, wo men em mänggisch Lotharingie sait. Aber er het s nit fertig brocht, si Riich z stablilisiere. Für zum siini Söhn vor de Asprüch vo siine Brüeder z schütze, het dr Lothar I. im Johr 855 d Deilig vo Prüm vorgnoh. Es isch vermuetlig im Hofguet Schüller gsi, won er siis Riich under sine Söhn ufdeilt het:

dr Ludwig II. (öbbe 822–875) het d Kaiserwürde und Italie übercho,
dr Lothar II. († 869) dr Norddeil vom Middelriich, wo noch ihm Lotharingie heisst und
dr Karl († 863) d Provence und dä Deil vom Burgund, wo zum Mittelriich ghört het. (Dr chliiner Deil, s Gebiet wo hützudag Burgund heisst, isch sit 843 e Deil vom Westfrankeriich gsi.)

Dr Lothar I. sälber het sich in d Abtei Prüm zruggzoge, won er e baar Däg druf gstorben isch.

Noch em früehje Dod vom Karl isch däm siis Riich under siine Brüeder Lothar II. und Ludwig II. verdeilt worde.

Sächs Johr spöter isch dr Lothar II. gstorbe, und siis Riich isch 870 im Verdrag vo Meerse under de Brüeder vom Lothar I. (Ludwig II., „dr Dütsch“, und Karl II., „dr Kahl“) ufdeilt worde.

Lueg au

D Deilige vom fränkische Riich

Litratuur

Carlrichard Brühl: Die Geburt zweier Völker. Deutsche und Franzosen (9.–11. Jahrhundert). Böhlau Verlag, Köln u. a. 2001.
Roman Deutinger: Königsherrschaft im Ostfränkischen Reich. Eine pragmatische Verfassungsgeschichte der späten Karolingerzeit. Ostfildern 2006, ISBN 3-7995-5720-2. (Rezension)
Ernst Dümmler: Geschichte des Ostfränkischen Reiches. Erster Band. Ludwig der Deutsche bis zum Frieden von Koblenz 860. Wissenschaftliche Buchgesellschaft, Darmstadt 1960 (Nachdruck der 2. Auflage von 1887; alte, aber grundlegende Darstellung).
Ernst Dümmler: Geschichte des Ostfränkischen Reiches. Zweiter Band. Ludwig der Deutsche vom Koblenzer Frieden bis zu seinem Tode (860–876). Wissenschaftliche Buchgesellschaft, Darmstadt 1960 (Nachdruck der 2. Auflage von 1887; alte, aber grundlegende Darstellung).
Johannes Fried: Der Weg in die Geschichte. Die Ursprünge Deutschlands bis 1024. Propyläen Geschichte Deutschlands 1, Berlin 1994, ISBN 3-549-05811-X.
Wilfried Hartmann: Ludwig der Deutsche. Primus Verlag, Darmstadt 2002, ISBN 3-89678-452-8 (Rezension).
Max Kerner, Lothar II. - Opfer eines frühmittelalterlichen Ehestreits?, in: Prümer Landbote 1/2010

Dä Artikel basiert uff ere fräie Übersetzig vum Artikel „Teilung_von_Prüm“ vu de dütsche Wikipedia. E Liste vu de Autore un Versione isch do z finde.