vatter&vatter
vatter&vatter isch e Schwiizer Verlag. Dr ganz Name isch: vatter&vatter. Verlag für wort-bild-kultur.
Es isch es Projäkt vo dr Texterin Anja Vatter und em Medieproduzänt Matthias Vatter. Dr Gschäftssitz isch z Bäärn. D Anja Vatter, wo au z Bäärn ufgwachsen isch, läbt z Berlin. Es git dr Verlag sit 2013.
Im Verlag chöme Büecher und anderi trukti Sachen use. Im Programm git’s zum Bischpiil Wimmelbüecher und literarischi Poschtcharte; und öppis bsunders isch dr nöiartig «Wortfächer», wo me mit usgwäälte Wörter vo dr dütsche Sprooch und speziell au dr Mundart und us de Wäärch vo gwüssne dütschsproochige Schriftsteller cha spile. Bi de «Wortfächer Autorinnen/Autoren» sind originelli Wörter und Wörtschöpfige vo dene Lüüt z finde: vom Theodor Fontane, em Hermann Burger, em Rudolf von Tavel und em Paul Haller.
Vom «Wortfächer» usem Bäärndüütsch isch d Reed gsi i der SRF-Sändig Schnabelweid vom 22. Septämber 2016.
Eine vo de Wortfächer isch Flüech|Schlämperlige, en andere Ybbürgereti Usländer.