Ulrich Lang

Dialäkt: Undermarkgreflerisch

Dr Ulrich Lang (* 24. Juli 1933 z Sulz am Neckar) isch e dytsche Pedagog un Bolitiker (SPD).

Lääben un Beruef

Dr Lang isch as Suhn vun eme Pfarrer un Dekan uf d Wält chuu. No dr Volksschuel un em Abitur am Gimnasium z Haalbrunn het er vu 1953 bis 1958 an dr Universitete z Dibenge un z Hamburg Evangelischi Theology, Dytsch un Latyn studiert. Anne 1958 het er s Studium mit em erschte un 1959 mit em zwaite Staatsexame fir s hecher Lehramt abschlosse. Im Johr 1960 isch er z Stuegert in dr Schueldienscht yydrätte un isch speter an e Haalbrunner Schuel gwächslet. Derno het er as Lehrer am Evangelisch-Chilchlige Uböugimnasium z Michelbach gschafft, zletscht as Studiediräkter un stellverdrättende Schuellaiter.

Bartei

Dr Lang isch zerscht in d GVP yydrätte un isch pseter zue dr SPD gwächslet. Är het si vor allem mit Bildigstheme bscheftigt. Im Mai 1981 isch er as Noofolger vum Erhard Eppler zum Landesvorsituzer vu dr SPD Bade-Wirttebärg gwehlt. Im Mai 1987 isch er in däre Funktion vum Ulrich Maurer abglest wore.

Abgordnete

Dr Lang isch syter anne 1968 Rotsmitglid vu dr Gmai Michelbach gsii un isch 1971 in dr Chraisdag vum Chrais Schwebisch Hall gwehlt wore. Är het vu 1972 bis 1992 em bade-wirttebärgische Landfag aaghert. Dert isch er vu 1976 bis 1980 zerscht stellverdrättende Vorsitzer un vu 1980 bis 1988 derno Vorsitzer vu dr SPD-Fraktion gsii. Bi dr Landdagswahl 1984 isch er as Spitzekandidat vu dr SPD geg dr Minischterbresidänt Lothar Späth aadrätte, het si aber nit mit dr Bartei chenne dursetze. Vu 1988 bis 1992 isch er wider stellverdrättende Vorsitzer vu dr sozialdemokratische Landdagsfraktion gsii.

Weblink

• Wärch vu un iber Ulrich Lang in dr Dytsche Digitale Bibliothek
• Ulrich Lang im Munzinger-Archiv (Artikelaafang frei abruefbar)

Dä Artikel basiert uff ere fräie Übersetzig vu dere Version vum Artikel „Ulrich_Lang“ vu de dütsche Wikipedia. E Liste vu de Autore un Versione isch do z finde.