Tipariya
De Tipariya isch de luwischi Wiigott i de neohethitische Zitt. Er werd zäme mit de Chorngöttin Kumarma gnennt. I de Stele vo Arsuz i de südöstlich Törkai a de Grenze zu Syrie, wer er as Vatter agredt, und d Kumarma as Müetterli. D Verbindig vo Chorn und Wii isch bi de Luwier e gängis Symbol för di vegetativi Fruchtbarkait, so werd de „Tarhunza vom Wingert“ mit Wiitrübel und Chornääri abbildet und d Gartegöttin Maliya werd „Muetter vo Wii und Chorn“ gnennt.
I de Bronzezitt hett i de hethitische Stadt Istanuwa d Wiigotthait Winiyanda ghaisse.
Literatur
[ändere | Quälltäxt bearbeite]- John David Hawkins Corpus of hieroglyphic Luwian inscriptions; Vol. 1-3. de Gruyter.