Sauska

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
De Eya gfolgt vo de Sauska (mit Flögel) und ere baide Tienerinne Ninatta und Kulitta, em Moogott und em Sungeott vom Himmel. Felshailigtum vo Yazılıkaya; 13. Jh. v.Chr.

D Sauska, älter au Sausa (z Ugarit: ṯuṯk), isch di hurritischi Liebes- und Chrieggöttin. De hurritisch Name bidüttet „Groossi“.

D Sauska isch nebetem Wettergott Tessub di wichtigsti Gotthait vo de Hurriter gsii. Si isch d Schwöster vom Tessub und d Töchter vom Kumarbi. Si het meriri Biglaiterine, di zwoo wichtigste sind d Ninatta und d Kulitta. Si isch scho früe a di mesopotamischi Göttin Ištar vo Ninive aagliche woore. Im Mitanni-Riich und bi de Osthurriter isch si di wichtigsti Göttin gsii, bi de Westhurriter isch si zom Tail vo de Hebat zruggdrängt wore. Im hethitische Felshailigtum isch d Sauska i de männliche Götterprozession zäme mit de Ninatta und de Kulitta abbildet. Si werd immer mit zwee Flögel abbildet, wo us de Schultere wachset. Obwoll d Sauska uusdrüggli as e erotisch raizvolli Göttin bischribe werd, cha si as Chriegggöttin au männlich dargstellt were.

I de neohethitische Zitt werd d Sauska witter vereert. Imene Relief us Arslantepe stoot si uf zwee Vögel und het wie i bronzezittliche Abbildige zwee Flögel. Allerdings isch si i dere Zitt vo anderne Göttine verdrängt wore.

Literatur[ändere | Quälltäxt bearbeite]