Karhuha

De Karhuha isch de Stadtgott vo Karkamis gsii, enere wichtige Stadt am Euphrat. Er het döt i de Oberstadt zäme mit de Kubaba e Tempel ghaa. Wo de hethitisch König Suppiluliuma I. Karkamis eroberet hett, hett er verbote, d Tempel z plündere us Eerfurcht vor de Gotthaite. De Karhuha het i de neohethitische Zitt zäme mit de Kubaba und em Tarhunza d Trias vo Karkamis bildet. Er isch as e Maa abbildet, wo ufeme Stier stoot und e Lanze i de Hand hebt.

Literatur

• John David Hawkins Corpus of hieroglyphic Luwian inscriptions; Vol. 1-3. de Gruyter.