Stibewase
| Stibewase | ||
|---|---|---|
 Stibewase vum Fälberg mit em Belche im Hintergrund | ||
| Hechi | 1.386 m ü. NHN | |
| Lag | Bade-Wirttebärg, Dytschland | |
| Gebirg | Schwarzwald | |
| Geografischi Lag | 47° 52′ 3″ N, 7° 58′ 17″ O | |
| ||
| Dialäkt: Undermarkgreflerisch |
Dr Stibewase isch mit (1.386 m ü. NHN)[1] dr sechsthegscht Bärg im Schwarzwald, noch em Fälberg (1.493 m ü. NHN), em Baldewäger Buck (1.461 m ü. NHN), em Seebuck (1.448 m ü. NHN), em Herzogehorn (1.415 m ü. NHN) un em Belche (1.414 m ü. NHN). Är bildet di hegscht Hebig vum Rugge zwisch em Schauinsland un em Fälberg un isch vum letschtere nume dur e braite Sattel drännt. Nerdli lyt s St. Wilhelmer Dal, sidli s Wiisedal mit Dodtnau un em Dodtnaubärg.
Botanik, Nutzig
[ändere | Quälltäxt bearbeite]Uf em Stibewasegipfel het s kai Wald. Di scharfen Ibergäng zum Wald zaigen aber, ass es kai natyrligi Waldgränze isch. Elai dur d Hechi wär dr Stibewase nit waldfrei, d Waldgränze lääg do rund 100 km nerdli vu dr negschtglägene Nordalpegipfel uf ere Hechi vu rund 1.650–1.700 m. D Hochflechine wäre im Summer as Viiwaid, im Winter as Schyybiet bruucht.
Turismus
[ändere | Quälltäxt bearbeite]Dr Stibewase isch turistisch start erschlosse, drotz ass mer nit mit em Auto ufechunnt, wie zum Byschpel uf dr Fälberg oder uf dr Kandel. Weschtli vum Gipfel stoht syter anne 1935 s Bärggaschthuus Stibewase (1.270 m). Mer chunnt im Summer iber dr Wanderwäg zwische Fälberg un Notschrei aane un im Winter iber d Stibewasespur. Derzue fiere Lift vum Dodtnaubärg uus uf dr Stibewase, der Stibewaselift (1000 m lang, vu 1.100 m uf 1.350 m) un dr Stibewase-Gipfellift (400 m lang, vu 1.330 m uf 1.370 m).
Dr Stibewase isch Zyyl vu zahlryche Wandertuure, vyl Bsuecher gehn iber dr Gipfel aber nume uf em Wäg zum oder vum Fälberg. Hinter em Gipfelchryz fangt dr Alpin Pfad aa, ain vu dr hegschtglägene Wanderwäg im Schwarzwald, dur s (sub)alpin Gländ vu dr Nordabstirz vum Fälberg un em Stibewase, wu dur syni exponiert Lag un sy (sub)alpine Karakter e Bsunderhait im Schwarzwald darstellt. Au dr Weschtwäg (10. Etappe vu dr weschtlige Variante) fiert iber dr Stibewase.
Weblink
[ändere | Quälltäxt bearbeite]- Notschreiloipe
- http://www.freiburg-schwarzwald.de/stuebenwasen.htm Wandere uf em Stibewase
Fueßnote
[ändere | Quälltäxt bearbeite]- ↑ Chartedienst vom Bundesamt für Naturschutz
|
Dä Artikel basiert uff ere fräie Übersetzig vu dere Version vum Artikel „Stübenwasen“ vu de dütsche Wikipedia. E Liste vu de Autore un Versione isch do z finde. |