Kandel (Berg)
| Kandel | ||
|---|---|---|
 Dr Kandel vum Innenhoft vu dr Hochburg us gsähe | ||
| Hechi | 1.241 m ü. NHN | |
| Lag | Bade-Württeberg | |
| Gebirg | Schwarzwald | |
| Geografischi Lag | 48° 3′ 44″ N, 8° 0′ 43″ O | |
| ||
 Luftufnahm vum Kandel | ||
Dr Kandel isch die höchscht Erhebig im Middlere Schwarzwald un dr Husberg vu dr Stadt Waldkilche. D'Höchi betrait 1241 Meter iber NN.
Geologie un Relief
[ändere | Quälltäxt bearbeite]Dr Kandel ghert zum zentralschwarzwälder Gneisbiet. S Bergmassiv isch in sinere Großform tektonisch bedingt: D Kandel-Scholle stygt pultfermig vu dr Hochflechi um Sankt Peder no Nordweschte hii aa. Si isch vu Verwerfieg umgee, wu sich dailwys as dytligi Gländskante abzaichne. D Rhyebeni lyt iber 1000 Meter un d Gipfel uf dr änere Syte vum Elzdal 500-600 Meter diefer wie dr Kandel. Dass d Kandel-Scholle gegeniber dr Rhyebeni allno aaghobe wird (1–2 mm/a) zaigt sich ab un zue in liichtere Erdbebe.
S Kandelmassiv isch vu diefe Däler radial in zem Dail rundligi, zem Dail felsigi Bärgrucke ufglest. Di gääche Halde gehn no Sidweschte (Glotterdal) 600 m aabe, no Nordweschte (Elzdal) 650 m un no Nordoschte (Simonswälder Dal) guet 700 m. Nume no Sidoschte goht dr Bärg ender schlään aabe, Richtig Sankt Peder um 500 m un zue dr Blatte yber dr Zweribachwasserfäll hii um guet 200 m. D Halde im Side, wu s vil Matte het, het e dytlige Yyfluss uf d Thermik un mit dr Gwitterzelle, wu do vilmol entstehn, uf s Wätter im Brysgau.
D Forme vum Gebirgsstock, wo uf iiszitlichi Verglätscherige zruckgehn, drätte im Landschaftsbild nume wenig in Erschyynig.
Verkehrsabindung
[ändere | Quälltäxt bearbeite]Vu St. Peder fehrt bis z'fynfmol am Dag en Bus vu d Südbadebus-Linie 7205 uf d Kandel nuff.
Sport- un Frizittmöglichkeite
[ändere | Quälltäxt bearbeite]Dr Kandel biädet umfangrichi Sport- un Frizittmöglichkeite. Er isch durch e umfangriichs Wägnetz fer Wanderer un Bergradler erschlosse, under anderem durch e Deil vum Schwarzwaldvereinswäg Oberkilche - Waldkilche (Kandelhöchewäg). Dr gross Kandelfelse isch e beliebts Revier fer Kletterer un verfüegt über mehreri Route vu underschidliche Schwirigkeitsgrade. Uf em Gipfel vum Kandel befinde sich zwei Startrampe fer Drache- un Gleitschirmflieger. Im Winter sten zwei Skilift sowie e Langlaufloipe parat.
Dr Aastiig vu dr Kandelstross vu Waldkilche zum Gipfelpass uf 1200 Meter Höchi ghört mit sinene 900 Höchemeter uf 10 km Längi zue dr beliebteschte Aastiig in dr Region.
Ereigniss rund um dr Kandel
[ändere | Quälltäxt bearbeite]Dr ober Deil vum Kandelfelse, die sognennt Deifelskanzle, isch anno 1981, in dr Walpurgisnacht vum 30. April zum 1. Mai abbroche. Yber 2000 Kubikmeter Gstei hän sich gleest un liigè zum Deil nu hit underhalb vum Felse.
Anno 2001 isch die dritt Etappe vu dr Dütschlandtour yber dr Berg gange, wo fer einigi Rennfahrer bsunders im undere Beriich hinderem Aldersbach zue ere herte Prüefig worre isch. Dr Udo Bölts isch als erschter uffem Gipfelpass gsi.
Am 5. Dezember 2004 het sich im Ruum Südbade e Erdbebe vu dr Stärchi 5,43 uf dr Richterskala ereignet. S'Epizentrum isch yber 12 km underem Kandelmassiv gläge).
Am 13. Auguscht 2005 het im Ramme vu dr Regio-Tour e Bergzittfahre vu Waldkilche uf dr Kandel stattgfunde. Beschter Radler isch dr Tony Martin mit ere Zitt vu 33 Minute un 43 Sekunde worre. (Hobbyfahrer bruche nabzues nit vil wäniger Zit).
Weblink
[ändere | Quälltäxt bearbeite]
Commons: Kandel (Schwarzwald) – Sammlig vo Multimediadateie