Zärneus
| Dialäkt: Walsertüütsch vam Chlooschtär |
| Serneus | ||
|---|---|---|
| Basisdate | ||
| Staat: | Schwiiz | |
| Kanton: | Graubünde (GR) | |
| Region: | Prättigau/Davos | |
| Gmeind: | bim Chlooschtär | |
| Poschtleitzahl: | 7249 Serneus | |
| Koordinate: | 782891 / 196005 | |
| Höchi: | 995 m ü. M. | |
| Flächi: | 17.60 km² | |
 | ||
| Charte | ||
| ||
Zärneus ischt äs hüps Buurädörfji im hindärä Prättigä. Sit 1851 ischt Zärneus ä Frakzion var Gmäind bim Chlooschtär.
1741 sind fascht all Hüschär abgäbrunnä. Di meischtä Schtrickbutä heind undär dä Tachgwätti än gschnitztä old gmaalätä, religiösä Schpruch zum Schutz va Mensch, Tier und Hofschtatt. Dr Grossteil treid Jahrzahlä vä 1743, nun ds Toppelhuus wa dr Brand uusgäbrochän ischt us äm Jahr 1744. Dä Wintär cha mä vän Gotschnä-Parsenn übär dä Eräzsäss bim Schiffer bis ins Dorf appär Schgiifahrän. Zärneus hed ättä 500 Iiwoner, än paar wenig tüänd no puurnä. Än biz wiitär dinnä undär äm Wald schteid no ds letschtä Heilbad väm Tal. Ds Schwäfelwasser hülft bin allär Gattig Gsüchti. In dä frühjä 1980gär Jahr hed mä äs nüws, grössärs Bad an ds altä Hotel zuähi gäbuwän. Im 2005 ischt di aalt Bogä-Schteinbrugg zwüschäd dr Walki und Zärneus väm grossä Uwättär für albig äwäg grufänät choon. Au di nüw Sunnibärg Brugg vom wältberüämtä Ingenieur Christian Menn hed amä Pfiilär Schadän gnuun.
Zärneus liit uf dr litzi Siitä var Landquart, än Biz wiitär dussnä vä Chlooschtersch - Dorf. Gägänüber ar Sunnisiitä väm ehemaligä Hotel Mezzaselva,wa dr Chreisäl ischt hets frühjär äs Holzbahöfji gchan vär Rhätische Bahn, dr säb heindsch abär in dä schpatä 1990gär Jahr abgäbrochän.
Weblink und Literatur
[ändere | Quälltäxt bearbeite]
Commons: Serneus – Sammlig vo Multimediadateie- Florian Hitz: Serneus. In: Historisches Lexikon vo dr Schwiiz.
- d Websiitä vr Frakzion
