Segete
Segeten Gmeind Gerbel
| |
|---|---|
 | |
| Dialekt: | Alemannisch |
| Hauptvariante: | Hochalemannisch |
| Regionalvariante: | Hotzewälderisch |
| Höchi: | 860 m |
| Iiwohner: | 267 |
| Iigmeindig: | 1. Januar 1975 |
| Regierigsbezirk: | Fryburg |
| Landchreis: | Waldshüet |
| Poschtleitzahl: | 79733 |
| Vorwahl: | 07764 |
| Nummereschild: | WT |
| Dialäkt: Markgräflerisch (Lörrach) |
Segete oder Sägädä (uff Hochdütsch Segeten) isch e ehemoligi Gmeind im Landchreis Waldshüet und hütt e Ortsdeil vo de Gmeind Gerbel. Zum Ort ghöre näbem Dorf Segete no s Ghöft Hetzlemühli (Hetzlenmühle) und s Hus Sägi (Säge).
Segete litt im Weste vo de Gmeind Gerbel, westnordwestlig vom Ortskern, und gränzt im Oste an de Ortsdeil Strittmatt und im Weste an d'Gmeind Herrischried.
Segete wird zum erschte Mol im Johr 1491 als „Segeden“ erwähnt und spöter no mol als „Segenthal“. Es hät zu de Grafschaft Hauenstein und zu de Einig Gerbel ghört. De Johann Wasmer us Segete, wo bi de Salpetererunrujje zu de Afiehrer ghört hät, isch no vor siner Verbannig uff Ungarn im Gfängnis gstorbe. Im 19. Johrhundert isch de Joseph Schäuble eine vo de rund 300 witere Ywohner gsi, wo in d'USA usgwandert sin. Er hät spöter z St. Benedict (Louisiana) e Chloster gründet und isch dört Abt gsi. Vor de Igliederig i d' Gerbler Gmeind (Gde. Görwihl) 1975 isch de Josef Stoll de letschd Bugemeischder gsii.
S Wappe vo de ehemolige Gmeind isch 1897 festglegt worre. Es zeigt e silbrigi abgsägti Danne und e Sägi uff blauem Hindergrund. D'Sägi wyst uff de Name „Segete“ hy.
Segete isch im Gerbeler Ortschaftsroot mit em Klaus Kaiser und de Claudia Hueba verdrätte.
Quelle
[ändere | Quälltäxt bearbeite]
