Nyderwihl

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
47.6191666666678.0736111111111Koordinate 47° 37′ 9″ N, 8° 4′ 25″ O
Niederwihl
Gmeind Gerbel
Wappe vo Niederwihl
Dialekt: Alemannisch
Hauptvariante: Hochalemannisch
Iiwohner: 479
Iigmeindig: 1. Januar 1975
Regierigsbezirk: Fryburg
Landchreis: Waldshüet
Poschtleitzahl: 79733
Vorwahl: 07754
Nummereschild: WT
Dialäkt: Markgräflerisch (Lörrach)

Nyderwihl (uff Hochdütsch Niederwihl) isch e ehemoligi Gmeind im Landchreis Waldshüet und hütt e Ortsdeil vo Gerbel. Es litt südlig vo Rüeßell und östlig vo Oberwihl und hät 479 Ywohner. Näb em Dorf sälber ghöre no d Zinke Schildbach und s Hus Sägehof zu Nyderwihl.

E erschti Erwähnig vo Nyderwihl findet mer im Johr 1275 als „Wile“; sällewäg vermüetet mer, dass es zämme mit em benochberte Oberwihl entstande isch. E „nidern Wile“ findet mer erscht im Johr 1328. Zwüsche sälle beide Ort isch d Sydlig Schlächewihl gläge, wo 1383 in re Urkunde uffdaucht. S Chloster St. Blasie hät scho frieh Höf z Nyderwihl gha.

Uff em Wappe vo de ehemolige Gmeind isch e grieni Danne uff silbrigem Grund und drunder e grieni Flächi. Links und rächts vo de Danne, wo uff d Züeghörigkeit zu de Grafschaft Hauenstein hywyst, sin d Büechstabe G und N z seh, wo für „Gemeinde Niederwihl“ stönn.

Sit em 1. Januar 1975 isch Nyderwihl e Ortsdeil vo Gerbel.

Nyderwihl wird im Gerbeler Gmeindroot vom Klaus Brunner und em Klaus Watzinger verdrätte.

Quelle[ändere | Quälltäxt bearbeite]