Sebastian Fahrländer

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
der Sebastian Fahrländer

Der Sebastian Fahrländer, wo am 17. Jänner 1768 z Ättene i der Ortenau uf d Wält choo und am 19. Februar 1841 z Aarau gstorben isch, isch e Schwiizer Arzt und Politiker gsi.

Er het z Wien Medizin und Filosofy studiert. 1792 isch er z Waldshuet Stadtphysicus woorde.

Wo anne 1797 s Fricktal vo Vorderöschtrych wäggnoo und Frankreich agschlosse woorden isch, het sech der Fahrländer z Münchwile lo ypürgere. 1801 isch s Fricktal zu der Helvetische Republik choo; es isch der Fahrländer gsi, wo s durebroocht het, ass das Gebiet en eigete Kanton wäärdi: der Kanton Fricktal, und der Fahrländer isch grad der helvetisch Statthalter vom Kanton woorde. Er isch aber als vehemänte Verfächter vo der nöie Staatsornig bi teil Lüüt im Fricktal gar nit beliebt gsi, und änds 1802 het men iin z Rhyfälden is Chefi too und am 2. Jänner 1803 usem Kanton furtgjagt.

Der Fahrländer het de z Aarau als Dokter gschaffet und isch im nöie Kanton Aargau nach 1803 wider als Politiker aktiv gsi; s Aargauer Volch het en zum Groossroot und de au id Regierig gwählt.

Literatur[ändere | Quälltäxt bearbeite]

  • Erwin Dittler: Karl und Dr. Sebastian Fahrländer von Ettenheim und die revolutionäre Bewegung am Oberrhein. In: Die Ortenau: Zeitschrift des Historischen Vereins für Mittelbaden. 56, 1976, S. 213–276.
  • A. Senti: Sebastian Fahrländer. In: Argovia, Jahresschrift der Historischen Gesellschaft des Kantons Aargau. 65, 1953, S. 124–127.
  • Andreas Steigmeier: Sebastian Fahrländer. In: Historisches Lexikon vo dr Schwiiz.

Weblink[ändere | Quälltäxt bearbeite]

 Commons: Sebastian Fahrlaender – Sammlig vo Multimediadateie