Rudolf VII. vu Bade
| Dialäkt: Undermarkgreflerisch |
Dr Markgrof Rudolf VII. vu Bade († 1391) isch vu 1372 bis 1391 Markgrof vu Bade gsi.
Läbe
[ändere | Quälltäxt bearbeite]Dr Rudolf VII. isch dr Suhn vum Markgrof Rudolf VI. († 21. März 1372) un dr Matilde vu Sponheim († 1. Novämber 1410).
Är un syy Brueder Bernhard I. vu Bade hän zerscht zämme regiert, am 16. Oktober 1380 hän si ne Erbschaftsvertrag abgschlosse, ass d Markgrofschaft nie in meh wie zwei Deil derf ufdeilt wäre. 1388 schließli hän si in eme Deiligsvertrag d Markgrofschaft ufdeilt, dr Rudolf VII. het d Biet um Ettlinge, Raschti un Bade-Bade iberchuu, dr Bernhard I. d Biet um Durlach un Pforze.
Anne 1380 het dr Rudolf dr Stadt Raschti e neji Verfassig gee. Doderno het si e großi Säbschtverwaltig iberchuu, e Burgermeischre un 12 Ret. D Grichtsbarkeit isch bin eme Amtmann gläge, wu vum Markgrof yygruefe woren isch. Däm Amtmann sin derno 12 Richter us dr Burgerschaft byygstande. Raschti het e wichtige Wyy-, Holz un Salzmärt ghaa. Dr Salzmärt, wu Raschti ne Monopol druf gha het, isch eso wichtig gsi, ass d Markgrofe vu Bade-Bade am Salzgroßhandel Kapitalaadeil gha hän. Anne 1387 het dr Rudolf vum Grof Wolf vu Eberstein d Helfti vu dr Burg Neu-Eberstein, d Helfti vu dr Stadt Gernsbach, d Helfti vu dr Burg un dr Stadt Muggenstrum, d Helfti vu dr Stadt Gochsheim gchauft un anne 1388 vu sällem au d Burg Mandelberg.
Im Johr 1388 het er mit em Grof Eberhard I. vu Wirteberg in dr Schlacht vu Deffinge kämpft, 1388/89 mit em Ruprecht von der Pfalz gege Stroßburi.
Dr Rudolf VII. het nie ghyrote un het au keini Chinder gha. No syym Dod isch syy Bsitz an syy Brueder gange.