Rudolf I. vu Bade

Dialäkt: Undermarkgreflerisch

Dr Markgrof Rudolf I. vu Bade (* um 1230; † 19. Novämber 1288) isch vu 1250 bis 1288 dr regiered Markgrof vu Bade gsi.

Är isch dr Suhn gsi vum Markgrof Hermann V. vu Bade un dr Pfalzgrefi Irmengard bi Ryy († 1260), dr Dochter vum Pfalzgrof Heinrich I. bi Ryy.

Är het zerscht zämme mit syym Brueder Hermann VI. s Erb vum Vater ibernuu. Wu dää anne 1247 no syyre Hochzyt uf Eeschtryych gange isch, het er em Rudolf d Ellaiherrschaft iber d Markgrofschaft Bade iberloo.

Dr Rudolf I. het anne 1257 d Kunigunde vu Eberstei ghyrote. Wel d Ebersteiner dert scho fascht kei finanziälli Mittel me gha hän, hän si d Helfti vu dr Burg Alt-Eberstei an dr Rudolf vermacht. Im Johr 1283 het dr Otto II. vu Eberstei di ander Helfti vu dr Burg an syy Schwoger Rudolf I. vu Bade verchauft un d Burg Alt-Eberstei isch im 14. Jahrhundert zem Deil Sitz vu dr Markgrofe vu Bade wore.

Anne 1250 het dr Rudolf I. mit em Uusböu vum Schlosses Hochebade aagfange.

Am 23. Augschte 1258 het dr Chenig Richard vu Cornwall uf Bitte vum Markgrof Rudolf I. vu Bade an d Ortschaft Steibach d Stadträcht vergee.

D Herre vu Weißenstein hän anne 1268 ihri Burg Liebeneck zämme mit em Dorf Wirm em Markgrof Rudolf I. vu Bade.

Dr Rudolf I. isch in vil chriegerischi Ussenandersetzige um verschideni Biet verwicklet gsi mit em Grof vu Wirttebärg un um d Ryyzell mit em Bischof vu Stroßburi. Erscht dur e speteri Hochzyt vu eim vu dr Sihn vum Rudolf isch mit dr wirttebärgische Grofe zuen ere Uussehnig chuu.

Dr Rudolf I. giltet as Ferderer vu Chilche un Chleschter, zem Byschpel gehn s um 1250 böue Syteschiff un dr Katharinekoor mit syyne Freske vu dr Wallfahrtschilche Bickese uf ihn zruck. As Liebhaber vu Chunscht un Minnesang isch er vum Beppo vu Basel as frumme un milddetige Mänsch brise wore.

Är isch im Chloschter Liechtedal begrabe.

• 
  S eltescht in Stei ghaue badisch Wappe an eme Huus z Kuppene. Des Wappe stammt us dr Zyt vum Rudolf I. (lueg Inschrift)
• 
  Nooufnahm

Eh

Am 20. Mai 1257 het dr Rudolf I. d Kunigunde vu Eberstei ghyrote, (* um 1230; † 12. April 1284/90 z Liechtedal), d Dochter vum Grof Otto vu Eberstei. Us däre Eh sin die Chinder fiirigange:

• Hermann, (* 1266; † 12. Juli 1291); speter dr regiered Markgrof
• Rudolf II., († 14. Februar 1295)
• Hesso I., (* um 1268; † 13. Februar 1296/97)
• Rudolf III., († 2. Februar 1332)
• Kunigunde, (* um 1265; † 22. Juli 1310) ∞ vor 20. Dezämber 1281 Grof Friedrich VI. vu Zollre († um 4. Mai 1298)

• Adelheid, († 18. August 1295); Äbtissi im Chloschter Liechtedal
• Kunigunde, († 1310/1315) ∞ 27. März 1293 Grof Rudolf II. vu Wertheim
• Irmengard, (* um 1270; † 8. Februar 1320) ∞ 21. Juni 1296 Grof Eberhard I. vu Wirttebärg, dr Erlaucht (* 13. März 1265 z Stuegert; † 5. Juni 1325 z Stuegert)

Literatur

• Albert Krieger: Rudolf (Markgrafen von Baden). In: Allgemeine Deutsche Biographie (ADB). Band 29, Duncker & Humblot, Leipzig 1889, S. 523–525.
• Johann Christian Sachs: Einleitung in die Geschichte der Marggravschaft und des marggrävlichen altfürstlichen Hauses Baden. Carlsruhe 1767, Zweyter Theil, S. 1–29 uf books.google.de
• Joseph Bader: Markgraf Rudolf der Erste von Baden. Karlsruhe 1843, bsb-muenchen-digital
• Regesten der Markgrafen von Baden und Hachberg 1050–1515. Herausgegeben von der Badischen Historischen Commission, bearbeitet von Richard Fester, Erster Band. Innsbruck 1900, S. 31–55, archive.org
• Hans Kaiser: Eine Richtung zwischen dem Deutschen Hause zu Weißenburg und Markgraf Rudolf I. von Baden (9. April 1264). In: Zeitschrift für die Geschichte des Oberrheins, Band 57, 1903, S. 157 f.
• Georg Heinrich Krieg von Hochfelden: Geschichte der Grafen von Eberstein in Schwaben. Karlsruhe 1836 (Digitalisat)

Weblink

 Commons: Rudolf I of Baden – Sammlig vo Multimediadateie

• Markgraf Rudolf I. von Baden – sein Lebenslauf. (PDF; 765,4 kB) Historischer Verein Yburg
• Regesta imperii Nr. 554a

Vorgänger Hermann V.

Markgrof vu Bade 1268–1288

Nochfolger Hermann VII.

Dä Artikel basiert uff ere fräie Übersetzig vu dere Version vum Artikel „Rudolf_I._von_Baden“ vu de dütsche Wikipedia. E Liste vu de Autore un Versione isch do z finde.