Rudolf II. von Baden

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Rudolf II. vu Bade († 14. Februar 1295) isch vu 1288 bis zue syym Dod 1295 dr regiered Markgrof vu Bade gsi. Är isch dr zwet Suhn vum Markgrof Rudolf I. un däm syyre Frau Kunigunde vu Eberstei us em Ebersteiner Adelsgschlächt gsi. Bis zum Dod vu syym Vater het er dr Byyname dr Jinger gha. wu sälle gstorbe isch, het er, ass mer het chenne unterscheide vu syym Brueder Rudolf III., em jingschte Suhn vum Rudolf I., dr Byyname dr Elter iberchuu.

Dr Rudolf II. het d Adelheid vu Ochsestei ghyrote, d Witfrau vun eme Grof vu Straßberg. Us dr erschte Eh het d Adelheid e Suhn un zwo Dechtere gha, eini dervu, d Gertrud, isch d Frau vum Rudolf III. wore.

Literatur[ändere | Quälltäxt bearbeite]

  • Albert Krieger: Rudolf, Markgrafen von Baden. In: Allgemeine Deutsche Biographie (ADB). Band 29, Duncker & Humblot, Leipzig 1889, S. 523–525.