Rosemarie Simmen

d Rosemarie Simmen, 1992 im Ständeroot

d Rosemarie Simmen (1994)

D Rosemarie Simmen, au Rosmarie Simmen (* 10. Septämber 1938 z Züri as Rosemarie Messmer; haimetberäächtigt z Realp, Soledurn un z Züri; † 1. April 2024) isch e Schwyzer Bolitikeri (CVP) gsii.

Lääbe

D Simmen isch z Züri im Krais 4 ufwagse un het no dr Schuelk an dr ETH Züri Farmazy studiert. Noch em Abschluss anne 1964 mit em Staatsexaamen as Apedeekeri het si as Offizinapedeekeri in dr Dytschschwyz, z Gämf un z Berlin gschafft.

Anne 1981 isxch si fir d CVP in Verfassigsroot vum Kanton Soledurn gweelt woore, 1983 in soledurnische Kantonsroot. 1987 isch si fir dr Kanton Soledurn in Ständeroot gweelt woore. Des Mandaat het si bis anne 1999 ghaa, wu si druf verziichtet het, nomol z kandidiere. In ire Zyt as Ständereeti isch si zytwyys Bresidänti vu dr Kummissioon fir Wiirtschaft un Abgaabe gsii, Vizebresidänti vu dr Ussebolitische Kumissioon, Mitgliid vu dr Kumissioon fir Wisseschaft, Bildig un Kultuur un vu dr Kumissioon fir soziaali Sicherhait un Gsundhait, derzue Bresidänti vu dr Schwyzer Delegazioon bi dr Interbarlemäntaarische Unioon.

Vu 1990 bis 1997 het si d Schwyzer Kultuurstiftig Pro Helvetia bresidert. Vu 1999 bis 2001 isch si Bresidänti vu dr Aidgnessische Uusländerkummissioon gsii. Derztue het si vu 1999 bis 2007 d Kumissioon vu dr Schwyzerische Nazionaalbiblioteek bresidiert.

Privaatlääbe

D Rosemarie Simmen isch ghyroote gsii mit em André Simmen un het drei Deechtere ghaa. Si isch aafangs April 2024 im Alter vu 85 Joor gstoorbe.

Weblink

 Commons: Rosemarie Simmen – Sammlig vo Multimediadateie

• Rosemarie Simmen uf dr Websyte vo dr Bundesversammlig
• Rosemarie Simmen i de Datebank Dodis vo de Diplomatische Dokument vo de Schwiiz
• Porträt, in: Wir Brückenbauer, 31. Augschte 1988

Fueßnote

Dä Artikel basiert uff ere fräie Übersetzig vu dere Version vum Artikel „Rosemarie_Simmen“ vu de dütsche Wikipedia. E Liste vu de Autore un Versione isch do z finde.