Dr Regierigsroot vo Basel-Stadt
| Dialäkt: Aaglobaaseldütsch |
Dr Regierigsroot vom Kanton Basel-Stadt isch die obersti Exekutive im Kanton Basel-Stadt und in dr Stadt Basel.
Organisazion
[ändere | Quälltäxt bearbeite]Dr Regierigsroot het siibe Mitgliider, wo alli vier Joor vom Volk gweelt wärde. Ufgrund vo dr nöije Verfassig isch bi de Waale 2008 zum erste Mol au dr Regierigsbresidänt, wo dr Root gege Inne und Usse duet verdräte, vom Volk gweelt worde.
D Sitzige vom Regierigsroot finde am Zischtig im Roothuus statt. Si wärde vo de Regierigsbresidäntin gläitet.
D Waale vo 2012
[ändere | Quälltäxt bearbeite]Bi de Waale 2012 isch dr Guy Morin as Regierigsbresidänt wider gweelt worde, d Herzog, dr Brutschin, dr Wessels, dr Conti und dr Eymann si bestäätigt worde und dr Baschi Dürr vo dr FDP isch nöi drzue choo. Dr Carlo Conti (CVP) isch 2014 zruggdrätte und dr Lukas Engelberger het si Blatz iignoo.
- Dr Guy Morin (GPS), Vorsteher vom Bresidialdepartemänt (PD), Regierigsbresidänt
- Dr Lukas Engelberger (CVP), Vorsteher vom Gsundhäitsdepartemänt (GD), Regierigsvizebresidänt
- Christoph Brutschin (SP), Vorsteher vom Departemänt für Wirtschaft, Sozials und Umwält (WSU)
- Dr Christoph Eymann (LPS), Vorsteher vom Erziejigsdepartemänt (ED)
- Hanspeter Gass (FDP), Vorsteher vom Justiz- und Sicherhäitsdepartemänt (JSD)
- D Eva Herzog (SP), Vorsteherin vom Finanzdepartemänt (FD)
- Dr Hans-Peter Wessels (SP), Vorsteher vom Bau- und Vercheersdepartemänt (BVD)
Regierigsroot 2018
[ändere | Quälltäxt bearbeite]- Elisabeth Ackermann, Regierigsbresidänti
- Christoph Brutschin
- Conradin Cramer
- Baschi Dürr
- Lukas Engelberger
- Eva Herzog
- Hans-Peter Wessels
Dr Staatsschriiber
[ändere | Quälltäxt bearbeite]D Staatsschriibere isch d Barbara Schüpbach-Guggenbühl. Dr Vizestaatsschriiber und Beuftragt für Informazioon und Öffentligkäitsarbet vom Regierigsroot isch dr Marco Greiner.
Gschicht
[ändere | Quälltäxt bearbeite]Bis 1875 isch dr Chläi Root d Regierig vo Basel gsi. Denn isch e nöiji Kantonsverfassig iigfüert worde und d Basler Stadtregierig het dr Naame Regierigsroot überchoo und isch noch Departemänt organisiert worde, wo vo vollamtlige Regierigsrööt gläitet worde si. D Volkswaal vo de Regierigsrööt isch 1889 iigfüert worde. Dr Regierigsbresidänt / D Regierigsbresidänti wird sit 2008 diräkt vom Volk gweelt.