Quiisch

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Schwäbisch

D Quiisch , isch a Essa, mo emmr meh Leid megad. Se wurd gmachd mid ama Mirbdoig ara Fillong ond ama Oierguss oba druff.[1] D bekanndesch isch d Quiisch Lorrain. En alle megliche Variaziona hod se se ibr d ganz Weld vrbroided.

Nama[ändere | Quälltäxt bearbeite]

Dr Nama lässd se abloida vom Kuacha. R isch z fenda seid em Middlaldr, z erschd en Lothringe[2] ond hod se zerschd en Frànkrich ond no en em Reschd vo dr Weld, zsemma mid dr französischa Kuche ausbroided.

Wamma abr vo ara Asia Quiche moind des Quiche blos da Aufbau ond des Asia d Zuaada.

Forma[ändere | Quälltäxt bearbeite]

S Beschd, om a Quiisch z z bacha, isch a Schbrengform. D Quiisch-Forma aus Schdoiguad odr Porzlaan kaa ma nemma wamma oizlne Porziona bacha will.

Zuadada[ändere | Quälltäxt bearbeite]

A Quich hod drei Doil – Boda[3], d Fillong[4] ond Guss[5]. Fir d Fillong ond da Guss geid s en Haufa Variaziona.

Fir da Doig, en Mirbdoig, fira groasse Quisch fir sechs Leid:
250 g Mehl. 0.5 Tl Salz. 130 g Buddr, oi Oi, a bissle Milch, oi Oi

Fir da Belag (fir a Quich lorraine): :
200 g durchwachsene Schbegg, a bissle Weißwoi, 200 g griebene Gouda

Fir da Ibrzug:
4 Oier, en vierdl Lidr Rahm, Pfeffr, Muskat, Salz.

Variaziona[ändere | Quälltäxt bearbeite]

Mr kaa dr Schbegg loa ond drfir Gmües nemma, beischbielsweis Werscheng.

S Kochs isch oine vo de erschde Kuldurdechnika vo de Menscha. So wia se d Leid vrschieda endwiggld hen, hen se au d Begriff endwiggld. d oine moinad Flàmmeküeche sei s Gleich wia a Quich, odr a Dinnete, mached d Andre a Pizza and saged Quich drzua. Dr Nechschd nemmd an Bläddrdoig ond mondierd drauf des, wa ma auf a Quich duad ond hoisd s a Quich.

Guck au[ändere | Quälltäxt bearbeite]

Lidradur[ändere | Quälltäxt bearbeite]

  •  Christina Richon, Klaus-Maria Einwanger: Quiches, Cakes & Tartes. Gräfe und Unzer, München 2008, ISBN 978-3-8338-0915-6.

Nedsadressa[ändere | Quälltäxt bearbeite]

Mos her isch[ändere | Quälltäxt bearbeite]

  1.  Sylvie Girard-Lagorce: Quiches - nouvelles variations gourmandes. 2011, ISBN 2263056335..
  2. QUICHE, Étymol. et Hist. (fr)
  3. Quiche-Teig-Grundrezept.
  4. 860 Quiche Belag Rezepte.
  5. 8 Guss für gemüsequiche Rezepte.