Pontarlier

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Pontarlier
 Bourgogne-Franche-Comté
Pontarlier6.jpg
Blason ville fr Pontarlier.svg
Verwàltung
Land  Frànkrich
Region  Bourgogne-Franche-Comté
Département Doubs (25)
Arrondissement Pontarlier (Unterpräfektur)
Kànton Pontarlier
Kommünàlverbànd Grand Pontarlier
Àmtliga Nàma Pontarlier
Maire Patrick Genre (2014-2020)[1]
Code Insee 25462
Poschtlaitzàhl 25300
Iiwohner
Iiwohner 17.140
Flech 41,35 km2
Bevelkerungsdicht 458,02 Iiw./km2
Làg
Koordinate 46° 54′ 22″ N, 6° 21′ 17″ E / 46.906111111111°N,6.3547222222222°E / 46.906111111111; 6.3547222222222Koordinate: 46° 54′ 22″ N, 6° 21′ 17″ E / 46.906111111111°N,6.3547222222222°E / 46.906111111111; 6.3547222222222
Heche 811-1.320 m
Pontarlier hemen kokatua: Frànkrich
Pontarlier
Pontarlier
Pontarlier (Frànkrich)
Website
http://www.ville-pontarlier.fr

Pontarlier isch e Stadt im französische Deil vom Jura. Si lyt im Departemänt Doubs und het öpe 25000 Ywooner.

Geografy[ändere | Quälltäxt bearbeite]

Im Oschte chunt s Gmeindgebiet vo Pontarlier ufem Bärg Larmont a d Schwiizer Gränze a. D Schwiizer Nochbergmeind isch Les Verrières im Kanton Nöjeburg. Dr Bach Ruisseau des Entreportes flüsst vo Les Verrières über d Landesgränze uf Frankrych und dur d Schlucht vo Entreportes und in Bach Ruisseau des Lavaux, wo bi Pontarlier als Sytebach in Fluss Doubs mündet.

D Stadt lyt am Doubs grad uf dr Nordsyte vo dr Chluus vo Joux, wo dr Doubs dur d Jurachetti vom Larmont grabe het. Bi däm Ängpass verby, wo sid em Middelalter mit Burge und Feschtige gsicheret isch, goot die alti Strooss, wo sid dr Römerzyt bruucht wird. Für d Römer und im Middelalter isch do dure dr diräkt Wäg vo Ängland uf Rom ggange. Hütt isch’s d Hauptstrooss vom Simplonpass und vom Gämfersee über Jougne uf Besançon und bis uf Lotringe; z Frankrych het si d Nummere N57, im Waadtland und im Wallis isch’s d Hauptstross 9.

Bi Pontarlier foot d Ruute dure Jura a, wo durs Taal Val de Travers uff Nöjeburg und Bärn goot.

Ortsname und Sproochgeografy[ändere | Quälltäxt bearbeite]

Früener het me dr Stadt uf Dütsch au öpe Bünterlin gseit; dr Name Punterli chunt scho ane 1255 inere Schrift vor. I dr römische Zyt het dr Ort Ariolica, Ariarica oder Abrolica gheisse. Dr middelalterlech Name isch us dr Verbindig vom Wort pont für Brugg mid däm alte römische Name entstande. D Wörter ario und lica chömet gmäss de Forschige vo dr Sproochkund usem Keltische und vo indogermanische Wurzle, wo vermuetlech ”vornedra“ und ”Felse“ bedütet hend, und das chönt sech ebe uf d Chluus vom Doubs bezie.

I dr frankoprovenzalische Sprooch heisst dr Name vo dr Stadt Pontali, und es isch die Stadt, wo am wytischte im Norde vom ganze frankoprovenzalische Sproochruum z Frankrych lyt.

Sache zum aluege[ändere | Quälltäxt bearbeite]

  • s Stadttor Porte Saint-Pierre vo 1772
  • d Chile Saint-Bénigne usem 17. Joorhundert
  • d Kapälle des Annonciades
  • d Gasärne usem 18. Joorhundert
  • s Stadtmuseum
  • s Museum Espera für Autodesign
  • d Burg vo Joux (i dr Nochbergmeind La Cluse-et-Mijoux)

Weblink[ändere | Quälltäxt bearbeite]

 Commons: Pontarlier – Sammlig vo Multimediadateie

Fuessnote[ändere | Quälltäxt bearbeite]

  1. Liste des maires au 25 avril 2014 (data.gouv.fr)