Verrières-de-Joux

Verrières-de-Joux
Verwàltung
Land	Frànkrich
Region	Bourgogne-Franche-Comté
Département	Doubs (25)
Arrondissement	Pontarlier
Kànton	Pontarlier
Kommünàlverbànd	Grand Pontarlier
Àmtliga Nàma	Verrières-de-Joux
Maire	Jean-François Jodon (2014-2020)
Code Insee	25609
Poschtlaitzàhl	25300
Iiwohner
Iiwohner	481
Flech	10,15 km2
Bevelkerungsdicht	41,97 Iiw./km2
Làg
Koordinate	46° 53′ 48″ N, 6° 26′ 57″ E
Heche	1.050 m
Verrières-de-Joux Verrières-de-Joux (Frànkrich)
Website
http://www.verrieresdejoux.fr

Verrières-de-Joux isch e französeschi Gemeind im Departemänt Doubs.

D Gmeind, wo zum Verwaltigschreis Pontarlier ghört, lyt im Jura, öppen acht Kilometer vo der Stadt Pontarlier wäg und a der Gränze zu der Schwiiz. S Dorf Verrières-de-Joux isch i der Middi vom Vallon des Verrières, wo im Weschte bi La Cluse-et-Mijoux afoot und uf der Oschtsyte, im Kanton Nöieburg, is Val de Travers überegoot.

D Nochbergemeinde vo Verrières-de-Joux sind z Frankrych Les Fourgs, La Cluse-et-Mijoux und Pontarlier und i der Schwiiz ääne Les Verrières und La Côte-aux-Fées.

Anne 1153 isch s Dorf s erschte Mol in ere gschichtleche Kwellen erwäänt. 1678 isch es mit der ganze Freigrafschaft an Frankrych cho. I der jüngere Schwiizer Gschicht isch das Ereignis vo anne 1871 nid vergässe, wo en ganzi französeschi Armee, die vom General Bourbaki, dört bim Zollposchte über d Gränze i d Schwiiz cho isch, wo me d Soldate i vil Kantöön interniert het. A die Gschicht erinneret s Bourbaki-Panorama z Luzärn mit em grosse Rundbild vom Historiemooler Edouard Castres und em Ferdinand Hodler.

Bi Verrières goot d Hauptstrooss D67b vo Nöieburg uf Pontarlier und au d Baanlinie vo Bärn uf Pontarlier dure.