Hauterive-la-Fresse

	Hauterive-la-Fresse
Verwàltung
Land	Frànkrich
Region	Bourgogne-Franche-Comté
Département	Doubs (25)
Arrondissement	Pontarlier
Kànton	Ornans
Kommünàlverbànd	Montbenoît
Àmtliga Nàma	Hauterive-la-Fresse
Maire	Gilbert Dornier (2014-2020)
Code Insee	25303
Poschtlaitzàhl	25650
Iiwohner
Iiwohner	225
Flech	7,46 km2
Bevelkerungsdicht	29,22 Iiw./km2
Làg
Koordinate	46° 58′ 10″ N, 6° 26′ 56″ E / 46.969444444444°N,6.4488888888889°EKoordinate: 46° 58′ 10″ N, 6° 26′ 56″ E / 46.969444444444°N,6.4488888888889°E
Heche	998 m
	Hauterive-la-Fresse Hauterive-la-Fresse (Frànkrich)
Website
	http://www.hauterive-la-fresse.fr

Hauterive-la-Fresse isch e Gmeind im französische Departemänt Doubs.

Geografi

Dr Oort lyt im Jura, öppe elf Kilometer nordöschtlech vo dr Stadt Pontarlier. Er isch uf dr rächte, do also dr südleche Syte vom Fluss Doubs. Uf dr Kreete vom Bärg Montagne du Larmont isch bi dr Alpsidlig La Côte du Cerf noch bi dr Landesgränze vo Frankrych zu dr Schwiiz dr höchscht Punkt vom Gmeindbann; er het d Höchi vo 1210 Meter über Meer. Uf däm Pass träffe sech es baar Wanderwääg vo dr Schwiiz und vo Frankrych; dr Gränze noo gäge Nordoschte chunt me vo dört us ufe Graat vo de Rochers du Cerf.

D Sidlig vo Hauterive-la-Fresse het es baar Hüüsergruppe, wo uf em Land verströit sind; zu dr Gmeind ghöre d Wyler Hauterive, Le Mont d’Hauterive, La Pria, le Château, La Combe d’Hauterive und La Fresse.

Dr Bode vo dr Gmeind lyt uf Chalchfelse vom Jura, wo s Rägewasser drinn versikeret; es het es baar Dolyne im Gmeindgebiet und drum fasch keini Bech, wo am Bode zum Doubs abe flüsset.

D Nochbergmeinde vo Hauterive-la-Fresse sind im Departemänt Doubs: Les Alliés, Maisons-du-Bois-Lièvremont, Montflovin, Montbenoît und Ville-du-Pont, und ännet dr Landesgränze i dr Schwiiz die nöieburgische La Brévine und Val-de-Travers.