Pierrafortscha
| Pierrafortscha | |
|---|---|
 | |
| Basisdate | |
| Staat: | Schwiiz |
| Kanton: | Friburg (FR) |
| Bezirk: | Saane |
| BFS-Nr.: | 2216 |
| Poschtleitzahl: | 1723 |
| Koordinate: | 580633 / 181784 |
| Höchi: | 751 m ü. M. |
| Flächi: | 5.06 km² |
| Iiwohner: | 154 (31. Dezämber 2022)[1] |
| Website: | www.pierrafortscha.ch |
 dr Findling Pierrafortscha | |
| Charte | |
 | |
Pierrafortscha (im Friburger Patois ) isch e politeschi Gmeind im Saanebezirk vom Kanton Fryybùrg, Schwyyz.
Name
[ändere | Quälltäxt bearbeite]Früener het d Gmeind dr dütsch Name Perfetschied gha, wo hüt chuum me bruucht wird. Der Ortsname Pierrafortscha isch es Patois-Wort und heisst pierre fourchue (gablete Schtei). Do dermit isch e grosse Gletscherfindling uf em Fäld Champ de la Pierre gmeint, wo au im Gmeindswappe abbildet isch. Dr Findling isch öpe 900 Tonne schwär und isch us Granit, wo dur de Rhonegletscher us de Alpe do ane verfrachted worden isch.[2]
Geografii
[ändere | Quälltäxt bearbeite]Pierrafortscha liit drü Kilometer südöschtlech vo dr Stadt Friburg und uf dr Oschtsyte vo Marly. S Dorf isch uf em Hügel zwüsche Friburg und Tentlinge im Sensebezirk. S Gmeindgebiet goot vom Tobel vo dr Saane bis a d Ärgera. Im Gmeindbiet ligge d Hügel Chantemerle, Pierrafortscha, Le Croquelet und Bois de Morvin und d Dörfer Granges-sur-Marly, Morvin (dütsch: Helmetinge), Villars-sur-Marly und Pfaffewiil. Nachpuurgmiine va Pierrafortscha si Fryybùrg, Sankt Ursen, Tentlingen, Villarsel-sur-Marly ù Marly.
Gschicht
[ändere | Quälltäxt bearbeite]Dr Gmeindname isch ane 1267 s erschte Mol erwäänt.
Yywoner
[ändere | Quälltäxt bearbeite]Quela: Bundesamt für Statistik 2005[3]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Yywoner | 187 | 200 | 194 | 192 | 224 | 185 | 218 | 214 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Yywoner | 260 | 231 | 242 | 182 | 184 | 162 | 154 | 136 |
De Uusländeraateel isch 2010 bi 11 % gläge.[4]
Religion
[ändere | Quälltäxt bearbeite]72,1 % va de Yywoner si im Jaar 2000 römisch-katholisch gsii, 22,8 % evangelisch-reformiert.[4]
Spraach und Tialäkt
[ändere | Quälltäxt bearbeite]Bi de Vouchszelig 2000 hii va de 136 Yywoner 70,6 % Franzöösisch aus Hùùptspraach aaggää, 27,9 % Tüütsch ù 1,5 % anderi Spraache.[4]
De aut frankoprovenzalisch Patois hii im Jaar 2000 na iigene Aagabe na 4 va de 136 Yywohner ggredt.
Weblink
[ändere | Quälltäxt bearbeite]
Commons: Pierrafortscha – Sammlig vo Multimediadateie- Website vo der Gmeind Pierrafortscha
- Marianne Rolle / BE: Pierrafortscha In: Historisches Lexikon vo dr Schwiiz.
Fuessnoote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Findling uf fribourgregion.ch abgruefen am 28. Augschte 2019
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
- ↑ 4,0 4,1 4,2 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
