Pier Giacomo Grampa

Us der alemannische Wikipedia, der freie Dialäkt-Enzyklopedy
Dr Pier Giacomo Grampa (2009)

Dr Pier Giacomo Grampa (* 28. Oktober 1936 z Busto Arsizio, Provinz Varese, Italie) isch vo 2004 bis 2013 remisch-katholische Bischof vu Lugano gsi.

Läbe[ändere | Quälltäxt bearbeite]

Dr Grampa het zerscht am Prieschterseminar vu Venegono studiert, derno an däm vu Lugano un schließlig an dr theologische Fakultet vu dr Universitet Innschbruck. Am 6. Dezämber 1959 het er vum Francesco Maggi, em Titularbischof vu Terme, in dr San-Nicolao-Chilche vu Lugano d Prieschterweih iberchuu. Vu 1965 bis 1975 isch er Vizeräktor vum Diözesangymnasium un vum Collegio Papio z Ascona gsii, wun er Religion, Philosophi un Gschicht ghaa het, un isch 1975 Pfaarer vu Moghegno un Aurigeno im Maggiatal wore.

Anne 1979 isch er as Noofolger vum Amédée Grab Räktor vum Collegio Papio wore un het dernäbe in Religion, Ethik un Staatskund unterrichtet. Am 16. Augschte 1995 isch er zum Kaplan Vu Synere Hailigkait[1] (Monsignore) ernännt wore. 2001 isch er zum Erzprieschter vu Ascona ernännt wore.

Dr Papscht Johannes Paul II. het dr Pier Giacomo Grampa am 18. Dezämber 2003 zum Bischof vu Lugano ernännt. Am 25. Jänner 2004 het er d Bischofsweih vum Pier Giacomo De Nicolò, em Ernesto Togni, em Grampa syy Vorgänger as Bischof vu Lugano, un vum Amédée Grab, em Bischof vu Kuur iberchuu. Em Grampa syy Wahlspruch isch Patiens in Adversis (latynisch fir „In Widrigkaite geduldig“).

Dr Pier Giacomo Grampa isch syter anne 1998 Mitglid vum Ritterorde vum Hailige Grab z Jerusalem un vu däm dr Großprior vu dr Schwyzerische Statthalterei.

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Annuario Pontificio per l’anno 1996, Città del Vaticano 1996, S. 2192.
VorgängerAmtNachfolger
Giuseppe TortiBischof vu Lugano
2004–2013
Valerio Lazzeri
Henri Kardinal Schwery Grossprior vu dr Schwyzer Statthalterei vum Ritterorde vum Hailige Grab z Jerusalem
2007–2018
Charles Morerod
Dä Artikel basiert uff ere fräie Übersetzig vum Artikel „Pier_Giacomo_Grampa“ vu de dütsche Wikipedia. E Liste vu de Autore un Versione isch do z finde.