Persischer Golf

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dialäkt: Oberrhiinalemannisch
De Persische Golf
Satelliteufnoome vom Persische Golf

De Persisch Golf (selte au Arabische Golf[1], fraijer au Griins Meer[2] als Pendant zum Rote Meer, wo d weschtlich gaijeiwerlaijende Flank vo de Arabische Halbinsel bgränzt) isch e etwa 1.000 km langs un 200 bis 300 km breits Binnemeer zwischem Iranische Plateau un de Arabische Halbinsel mit arre Fläch vo ca. 235.000 km².[3]

Geo- un Topographii[ändere | Quälltäxt bearbeite]

De Persische Golf isch e relativ flachs Gwässer mit arrer greeschde Tiif vo ca. 100 m. Sin Volume bträgt ca. 6000 km³. Iwer d Strooß vo Hormus isch er mit m Golf vo Oman un em Arabische Meer bzw. em Indische Ozean verbunde. In de Persische Golf mindet de Zsammefluss vom Euphrat un em Tigris, de Schatt al-Arab. Durch de geringe Siißwasserzufluss un d hohe Verdunschtungsrate isch de Salzgehalt mit ca. 4 % überdurchschnittlich hoch.

Wäärend em letschde glaziale Maximum, wo weltwit de Meeresspiigel um ca. 120 m niidriger gsinn isch, isch de Grund vum Persische Golf e flaches Dool gsinn, durch des d Fliss Euphrat, Tigris un Karun emme gmeinsame Abfluss zu de Strooß vo Hormus gfunde hän. Mit em Insetze vo de Flandrische Transgression vor ca. 11.000 Jahren isch de Spiigel uf etwa heutigi Verhältniss aagschtiige.[3]

Bolitik un Wirtschaft[ändere | Quälltäxt bearbeite]

D Schtoote, wo an de Persische Golf gränze

D Schtoote, wo an de Persische Golf gränze, sin (vo Norde nooch Siide entlang vo de Kischt):

Vo denni acht Stoote sin siwe Mitgliider vo de Arabische Liga, s achte – un säll mit dr längschte Kischteandail – isch de Iran. Mit de Usnoom vum Iran un em Irak bilde d andere sechs Stoote de Golfkooperationsrat. Iran, Irak, Kuwait un Saudi-Arabie sin sit 1960 Grindungsmitgliider vo de Organisation erdölexportierender Länder (OPEC). Katar (1961) un d VAE (1967) sin etwas später äwefalls de Organisation bigeträtte.

Erdeel un Erdgas[ändere | Quälltäxt bearbeite]

D Region um de Persische Golf isch wäggem Erdeel- un Erdgasriichtum vo großer geopolitischer Beditung. Nooch Aagobe vo de Bundesaastalt fir Geowissenschafte un Rohstoffe (BGR) sin 2007 Saudi-Arabie (35,9 Milliarde Tonne), de Iran (18,8 Milliarde Tonne), de Irak (15,6 Milliarden Tonnen), Kuwait (13,8 Milliarde Tonne) und d VAE (13,3 Milliarde Tonne) d fünf Länder mit de weltwit greeschde Eelreserve gsinn. D ferderfähige Reserve hän se uf weltwit 163,5 Milliarde Tonne gschätzt. Dovo sin 22,0 % uf Saudi-Arabien, 11,5 % uf de Iran un 9,6 % uf de Irak gfalle.[4] De Iran (15,2 Prozent) un Katar (14,0 Prozent) bsitze ussadäm, nooch Russland (26,1 Prozent), d greeschde weltwite Reserve an Erdgas.

Wägge sinnare wirtschaftliche un geopolitische Beditung isch de Persische Golf Schauplatz vo de drei so gnonnte Golfkraije gsinn. Donäwe isch s un kommt s immer widder zu Grenzstritigkite vo de Anrinerstoote.

Schiff- un Giiterverkeer[ändere | Quälltäxt bearbeite]

Schiffsverkeer entlang vo de Tunb-Insle

Frachtverkeer[ändere | Quälltäxt bearbeite]

Nooch Informatione vo de United States Energy Information Administration (EIA) passiire täglich durchschnittlich 14 Tanker mit arre Gsamtfracht vo etwa 17 Millione Barrel RoheelStrooß vo Hormus. Des sin umgrechnet ca. 35 % vum Erdeel, wo weltwit uf See transportiert wird, un etwa 20 % vum weltwite Erdeelhandel.[5]

Navigation[ändere | Quälltäxt bearbeite]

E Besonderhit laijt bi de Navigation um d iranische Tunb-Insle un durch d Strooß vo Hormus vor. Därte wärre Schiff als Verkehrstrennungsgebiet in infaarend un usfaarend ufgtailt, um d Gefoor vo Kollisione entlong vo de Strooß vo Hormus zu reduziire. D betroffene Linie isch ca. 10 km brait un bstäät us zwai 3 km braite Boone, wo jewails eine inwärts un d ander uswärts isch. D baide Boone wärre durch e dritti, äwefalls ca. 3 km braiti Medianboon vonenander gtrennt.

Unfäll[ändere | Quälltäxt bearbeite]

Ains vo de bisher schwärschde Schiffsunglück im Persische Golf hät sich am 8. Abril 1961 eraignet, wänn s britische Kombischiff Dara vor Dubai nooch arre Explosion a Bord in Flamme ufgange, usgbrannt un untergange isch. 238 Passaschiire un Bsatzungsmitgliider sin dobii gschtorwe.

Gschicht un Kultur[ändere | Quälltäxt bearbeite]

D Kischteregion vum Persische Golf gilt als e Wiig vo de Zivilisation. Do sin d greeschde Zivilisatione vo Sumer, Elam, Akkad un Babylon, sowie d Weltraich vo de Perser entstande.

Lideradur[ändere | Quälltäxt bearbeite]

  • Hans Krech: Von der Dhau zur Stealth-Fregatte: Zur Geschichte und aktuellen Situation der Seestreitkräfte am Persischen Golf. Berlin 2003, ISBN 3-89574-495-6.
  • Heinrich Lieser, Lukas Rölli-Alkemper: Wirtschaftsraum Arabischer Golf: Neue Möglichkeiten für deutsche Unternehmen in den Golfstaaten. 1995, ISBN 3-925925-74-0.
  • Michaela Wimmer, Stefan Braun, Hannes Enzmann: Brennpunkt Golf: Hintergründe, Geschichte, Analysen. München 1991, ISBN 3-453-05201-3.
  • Schliephake, Konrad (1993) Wasser – Krisenelement am Arabischen Golf. Die Geowissenschaften; 11, 2; 42–49; doi:10.2312/geowissenschaften.1993.11.42.

Wäblink[ändere | Quälltäxt bearbeite]

 Commons: Persian Gulf – Sammlig vo Multimediadateie

Fuessnote[ändere | Quälltäxt bearbeite]

  1. z. B. im Knaurs Weltatlas 1988, Charte Nr. 23
  2. Gustav Droysens Allgemeiner historischer Handatlas in 96 Karten mit erläuterndem Text von 1886, Seite 77, Reich der Kalifen bis 945
  3. 3,0 3,1 Geschichte des Persischen Golfs in der Encyclopedia Iranica, 23.
  4.  Bundesanstalt für Geowissenschaften und Rohstoffe (Hrsg.): Reserven, Ressourcen und Verfügbarkeit von Energierohstoffen 2007. Kurzstudie. 2008 (online. Archiviert vom Original am 2009-03-06. Abgrüeft am 2017-09-03., abgrüeft am 13. Mai 2009).
  5. The Strait of Hormuz is the world’s most important oil transit chokepoint, U.
Information icon.svg Dä Artikel basiert uff ere fräie Übersetzig vu dere Version vum Artikel „Persischer_Golf“ vu de dütsche Wikipedia.

E Liste vu de Autore un Versione isch do z finde.

26.90472222222251.5475Koordinaten: 26° 54′ 17″ N, 51° 32′ 51″ O