Arabische Halbinsel

Us der alemannische Wikipedia, der freie Dialäkt-Enzyklopedy
Hops zue: Navigation, Suech

w1

Arabischi Halbinsle
Die Arabischi Halbinsle, Satellitebild
Die Arabischi Halbinsle, Satellitebild
Gwässer 1 S Roote Meer, dr Golf vo Aden
Gwässer 2 Arabischs Meer, Persische Golf

Geografischi Laag

24° 39′ 0″ N, 46° 42′ 36″ O24.6546.71Koordinaten: 24° 39′ 0″ N, 46° 42′ 36″ O
Flechi 2.730.000 km²

Die Arabischi Halbinsle (arabisch جزيرة العرب‎, DMG Ǧazīrat al-ʿArab), au Arabie, het e Flechi vo 2,73 Millione km² und isch die grössti Halbinsle uf dr Wält. Si lit uf dr Arabische Blatte und ghöört geologisch zu Afrika, geografisch wird si zu Asie zelt. Dr grösst Staat uf dr Halbinsle isch Saudi-Arabie.

Geografii[ändere | Quälltäxt bearbeite]

Die Arabisch Halbinsle wird begränzt vom Golf vo Akaba und em Roote Meer im Weste und Südweste, vom Arabische Meer im Süde und Südoste und vom Persische Golf im Nordoste. Si isch die grössti Halbinsle uf dr Wält, gröösser as d Westantarktis und Vorderindie und wird zu Südwestasie zelt, au wenn si geologisch e Däil vo Afrika isch. Zämme mit de Gebiet vo de Staate zringsume bildet si dr Nooch Oste.

Tektonisch gsee bildet d Halbinsle die Arabischi Blatte. Geologisch ghört si zur alte afrikanische Kontinentalmasse, au wenn si dur e Graabebruch vom Roote Meer vo dere drennt isch. D Halbinsle isch mit dr Groosse Nefud im Norde und dr Rub al-Chali im Süde fast vollständig Wüesti und ghöört zu de fümf grösste Wüestigebiet uf dr Wält.

Bevölkerig[ändere | Quälltäxt bearbeite]

Politischi Charte vo dr Arabische Halbinsle und de Regione zringsume

Uf dr Arabische Halbinsle lääbe öbbe 60 Millione Lüt[1] in acht Staate: Saudi-Arabie, Jemen und Oman im Süde, Kuwait, Katar und die Veräinigte Arabische Emirat im Oste. Im Norde lige Däil vo Jordanie und vom Irak uf dr Halbinsle. Bahrain lit uf ere Insle im Persische Golf, öbbe drissig Kilometer vom Festland äwäg.

Weblingg[ändere | Quälltäxt bearbeite]

 Commons: Arabischi Halbinsle – Sammlig vo Multimediadateie

Fuessnoote[ändere | Quälltäxt bearbeite]

  1. Fischer Weltalmanach 2011.
Information icon.svg Dä Artikel basiert uff ere fräie Übersetzig vum Artikel „Arabische_Halbinsel“ vu de dütsche Wikipedia.

E Liste vu de Autore un Versione isch do z finde.