Ortsteil

En Ortsteil isch en abggrenzte bzw. mit eigenem Name versehene Teil von ere Stadt oder ere Gmeind oder ere andere Ortschaft.

Drum seit men au öppe Stadtteil bzw. Gmeindsteil. Synonym bruucht me für d Stadtviertel i de Schwiiz au s Wort Kwartier.

Entweder handlets sich um d Sidlige, zum Bischpiil Dörfer oder Ortschafte, us ehemals selbstschtändige Gmeinde, wo dur en Iigmeindig binere Gmeinsreform iri Selbstschtändigkeit uufgee händ müesse und zu Gmeindsteile von ere benachbarte oder neue Gmeind worde sind. Denn sind d Ortsnäme erhalte blibe. Oder es handlet sich um neui entstandeni Wohnviertel von ere Schtadt oder Gmeind, also „Neubaugebiet“, mit eme nöie Name, wenn d Besidelig fertig isch.

z Düütschland

In Düütschland chönnd je nach Regelig i dr Gmeindsordnig vome Bundesland d Ortsteil au Ortsteilvertretige (Ortschaftsrat, Ortsrat, Ortsbiirat) und eigeni Ortschaftsverwaltige und en Ortsvorschteher bzw. en Ortsbürgermeischter haa. Deet redt mer dänn meischt von ere Ortschaft im rechtliche Sinn.

D Benennig vo neue Ortsteile isch Aaglegeheit vo de jewiilige Gmeinde. Debii muess si verschideni Schtelle (z. B. Archivverwaltig, Schtatistischi Ämter, Poscht, Vermessigsämter etc.) aalose und druuf achte, dass innerhalb vo dr Gemeinde kei gliichluutendi Ortsteilname uuftreted.

In Poschtadrässe chann dr Name vonere Ortschaft au wiiterhii verwendet werde. Dr Name vom Ortsteil wird dänn i dr Zeile über dr Strassebezeichnig gnännt. Früeher isch er dur en Bindeschtrich a de Gmeindsname aaghängt worde, wies au oft i amtliche Ortsteilbezeichnige heisst (z. B. „Sankt Augustin-Menden“ oder „Troisdorf-Sieglar“).

I grössere Städt werded Ortsteil je nach Bundesland als Stadtbezirk bezeichnet oder zu sellige zämeegfasst. Im Gegesatz zu Ortsteile, wo e eigeni Ortschaftsvertretig chönnd haa, isch es so, dass Stadtbezirk meischt e derigi haa müend. Der Name, der Wahlmodus und d Zueschtändigkeite vo dene Bezirksvertretige variiered ebefalls vo Bundesland zu Bundesland.

In nordrhii-westfälische Grossschtädt bilded Ortsteil inoffizielli Gebiet vo Schtadtteile, wo sälber Teili vom ene Schtadtbezirk sind.

i der Schwiiz

I der Schwiiz händ vil politeschi Gmeinde es baar Ortschafte. Wenn s eigeni Poschtleitzahle händ und en abgränzts Sidligsgebiet, rede d Bhöörde amtlech vo Ortschafte.

I de Kantöön Graubünde, Tessin und Waadt seit me de Gmeinddeil Frakzioone, z Davos sind s d Frakzioonsgmeinde (hüt nu na eini), im Bärnbiet kännt me d Viertelsgmeinde und im Bärner Oberland d Büürte, im Kanton Züri chömed d Ussewachte und früener au Zivilgmäinde vor und im Fläcke Schwyz d Filiale.

Lueg au

• Bezirk

Fuessnote

Dä Artikel basiert uff ere fräie Übersetzig vum Artikel „Ortsteil“ vu de dütsche Wikipedia. E Liste vu de Autore un Versione isch do z finde.